[novateen]

المشاركة الأصلية كتبت بواسطة نبيل الموحد

سأحاول الكتابة باللهجة المحلية و إن كنت لا أتقنها فكتابة القصة باللهجة المحلية لها وقع خاص .

في لهجتنا في الشرق الجزائري ما يقولوش ( احكيلي حكاية ) أو ( احكيلنا حكاية ) يقولوا ( حاجيلي ) أو ( حاجيلنا ) .

تْحَاجِيَّة بوفكران و مرتو لجرانة

كان حا بابا بُو فاكْرانْ قَاعدْ عْلى الزا بْلان وْ شادّ الْحابْلانْ لا حْشيش لا ماقْران ْ ( ثلاث نقاط فوق القاف ) .

جازْ عْليه السّرْدوك، قالوا : واشْ بيكْ أَ بابا بُو فاكْرانْ قَاعَدْ عْلى الزا بْلان وْ شادّ الْحابْلانْ لا حْشيش لا ماقْران ْ ؟

قالّوا بابا بو فاكران : راحْلي غْزالِي وْ ما وَلَّالي يَا دْرَاكْ يَا السَّرْدوك وَ تْروحْ تْجيبْهالي .

راح السردوك ......... قُوقُوقُوشْ ......... قُوقُوقُوشْ......... قُوقُوقُوشْ

طَبْ طَبْ طَبْ طَابْ

قَالَتْلَجْرَانة لْغَضْبَانة : شْكُونْ آوْ يْطبْطَبْ عْلَى مُولَاتْ لْحَجْبة فَالدَّارْ ؟

قالْها السردوك : أنا السردوك بَالْعْيُونْ لَمْدَبْلة وَ لْبْرانَسْ لَمْخَبْلَة .

قالَتْلو لجرانة : لُو كانْ جِيتء السردوك بالعيون المدبلة و البرانس المخبلة مَا تَرْبَشْ فَالْمْزَبْلَة .

راحْ السردوك يمشي و يبكي .

زاد جات الجاجة و شافت السردوك زادت قالتلو : واشْ بيكْ أَ بابا بُو فاكْرانْ قَاعَدْ عْلى الزا بْلان وْ شادّ الْحابْلانْ لا حْشيش لا ماقْران ْ ؟

قالّها بو فاكران : راحْلي غْزالِي وْ ما وَلَّالي يَا دْرَاكْ يَا الْجاجة وَ تْروحِي تْجِيبِيهالي.

راحتْ الْجاجة .............. قُوقْ.............. قُوقْ.............. قُوقْ

طَبْ طَبْ طَبْ طَابْ

قَالَتْ لَجْرَانة : شْكُونْ آوْ يْطبْطَبْ عْلَيَّ وَ عْلَى وْلِيدَاتِي ؟

قالت الجاجة : آنا الجاجة بَنْتْ الجاجة سُوجِي يَا الْعَوَّاجَة .

قالْتَلها لجرانة : لُو كَانْ جِيتِي الجاجة بنت الجاجة مَا يَدِّيوَكْ لَسُّوقْ يْحَطُّولَكْ ......... مَلْفُوقْ وْ رَاسَكْ مَلُّوطْ وْ يَقْضِيوْ بِيكْ الْحَاجَة .

راحت الجاجة تبكي .

زاد جا لَحْصَانْ شاف بو فاكران زاد قالو : واشْ بيكْ أَ بابا بُو فاكْرانْ قَاعَدْ عْلى الزا بْلان وْ شادّ الْحابْلانْ لا حْشيش لا ماقْران ْ ؟

قالّو بو فاكران : راحْلي غْزالِي وْ ما وَلَّالي يَا دْرَاكْ يَا لحصان و تروح تْجِيبِيهالي.

راح لحصان.... طْرَكْ طْرَكْ طْرَكْ طْرَكْ

طَبْ طَبْ طَبْ طَابْ

قالت لجرانة : شكون آو يطبطب على مولات الحجبة فالدار ؟

قالها لحصان : أنا لحصان بَنْ لحصان نَرْكَطْ فَالسبعَ وْطانْ أَرْجَعْ يا بَنْتْ مْبَارَكْ لَدَّارْ اَخْزِي الشِّيطانْ .

لجرانة ما لقات واش تقول للحصان ................. راحت كَحْلَتْ حَا عْوِينَتْهَا وْ سَوْكَتْ حَا شْوِيرْبَتْهَا ................. وْ ركْبت فُوقْ لحصان ................. وْ فالطريق تغني و تْقول : يَدِّي فا لْجَامْ وْرَجْلِي فا رْكابْ ............ وْ بوفاكران يقولها : آآآتْكَرْبَصْ ............ آآآتْكَرْبَصْ

ـــــــــــــــــــــ

قد لا تروق القصة لكبار السن فهي قصة خاصة بلأطفال فقط في زمن مضى .

ههههههههههه هههههههههههههههه حكاية ولا أروع بعد الجرانة وحالتها وتتقلش على الناس هههههههههههه
بارك الله فيك على الأسلوب الممتع والرائع فعلا أمتعتنا
ننتظر المزيد
تحياتي