الحمد لله على كل شئ ، والله يا أستاذ تبارك الله عليك ، راك لبيت الطلب ورجعت معنا كما كنت أنا متمني ، شكرا لك أستاذ على تواضعك وعلى طيبة قلبك ... فيما يخص كلامك عن الناس لي مدايرين الدراسة والعلم تجارة ، دون عناء ودون إحترام الأستاذ الذي تعب في إنشاءها ؛ فعلا معك حق أستاذ ، للأسف بلادنا ما فيهاش إحترام حقوق الغير ، لهذا يخمم كفاش يفكر فكرة يربح بها شويا دراهم والباقي ما يهموش ... أنا نقولك يا أستاذ ، أو كاين ربي ، إنت وضعت المواضيع لوجه الله ، لمساعدة الغير ، وآخرون يستفادو على ظهرك ببيعها ، وأتصور أنهم ما قالولكش حتى كلمة " شكرا " ... واش تحب دير ، التفكير ليس بالمِثل ولكل شخص مقام ، حنا والحمد لله الإنسان يعرف قدرو ويعرف شكون الناس لي تستهل التقدير والإحترام من لي ما يساهلوش .. وأدعوك أستاذي الفاضل إلى عدم الإلتفاة لهذه الفئة ... السوارد لي ربحوهم من لي cd راهم والله ما يديوهم بعيد ... ما يستفادو بوالو ،،، عكس الأستاذ الذي قام بالعمل وشاركنا به .. دعوة خير أحسن من كنوز الدنيا كي تكون جايا على ظهر وتعب الغاشي ؛ تذكرت حديث حفظتو هاذ الآيام في العلوم شرعية ، يقول فيه الرسول صلى الله عليه وسلم : " ما أكل أحد طعاماً قط خير من أن يأكل من عمل يديه، وإن نبي الله داود عليه السلام كان يأكل من عمل يده "
يعني يا أستاذ ، المال لي ربحوه من عمل الغير ، أو ما عندو حتى معنى ؛ الشي لي يهم هو أنك تقدم موضوع بنية مساعدة ودعم التلاميذ ، وأجرك عند ربي لكبير ...
ربي يحفظك أستاذ ، ربي يخليك لينا