[ام محمد ميدو]

المشاركة الأصلية كتبت بواسطة amal2000

شوفي اختي انا عمري ماصنعتها كاينة مرت خالي من معسكر تعرف تصنعها والله عيطتلها اليوم بورطابلها طافي غدوة نعاود نعيطلها ونعطيك الرسمي عيطت لزوج صحاباتي
وحدة قاتلي نطيبو المبسس وندقوه ونديروه يفور في كسكاس والقدر تديري فيه طبعا شوية ما وبصل مقطع طول كيما تاع السلاطة بصح غليظ باش تطلع بنة البصل للمبسس المدقوق اللي فالكسكاس وكي تقلعيه من الكسكاس تديريله الدهان ذايب والعسل وتزوقيه كيما بغيتي
والثانية قاتلي نديرو المبسس وندقوه ونخلوه ب جيهة ونقلي بصل فالدهان حتى يذبل ننزعو البصل مانستعملوهش نديروه برك باش يطلق البنة فالدهان وهذاك الدهان نضيفوه فوق هذا المبسس اللي دقيناه ونضيفو العسل
هذي المعلومات اللي قدرت نجيبهالك اختي والله وحدة عيطتلها صباح ربي سقسيتها قاتلي علاش ولدتي ؟؟؟؟ ومين المعلومات ماهيش كاملة مابغيتش نعطيهالك بصح كي شفت بلي حتى وحدة ماجاوبت وشفتك تبكي غضتيني ههههه غدوة ان شاء الله نعيط لمرت خالي و نعطيك الوصفة كاملة

اسمحيلي عييتك معايا وزيد خسرتك في الدراهم ابعثيلي رقمك نفليكسيلك
جزاك الله كل خير على هذا الاهتمام خجلتيني