أختي oudini ؛ أردت أن أشكرك لأنك تطرقتي لهذه النقطة الحساسة التي تعتبر نقطة من نقاط الضعف الكثيرة لمجال التعليم في الجزائر .. ففي حين الدول المتقدمة في هذا المجال ، تأطر وتشجع وتمد يد المساعدة لكل طالب علم ، توفر للأحرار كل المتطلبات التي هي متوفرة لدى النظاميين ، هناك مراكز ومدارس ومختصين مدايرين خصوصيا للأحرار باش ما يخصهم والو ... نحن وللأسف هناك إهمال كبير لهذا الفئة ، يقولك لي عندو السوارد يروح يقرا عند الخواص privé، ولي عندو معريفة في كاش مدرسة ، أم يخلوه يحضر لدروس المواد المهمة ... ولي ما عندو والو .. يا حليلو مسكين يروح يشوف يقرا تاع راسو ... وقلال لي عندهم الزهر ويدبرو الكراريس ... والبقية يبقاو يتفرجو آملين أن يجي النهار وين يلقاو شخص يتكرم عليهم ويمدلهم كرارس أو يعودو يقراو كيف كيف .. وفيما يخص سؤالك : لا يا أختي الفاضلة ، ليست لدي أي فكرة عن التغيرات في البرنامج ، سمعت فقط بأن التحليل المالي ملغى من البرنامج والباقي الله أعلم ..
ما عنديش دروس وراني نطبع في دروس المراسلة اللي تاريخ إنشاءهم في 2008 ، درس الإهتلاك فيه 25 صفحة ، درس المؤونات فيه 45 صفحة ، درس التسويات فيه 40 صفحة ودرس الختامية فيه 50 صفحة ... هيا إيماجيني ؟؟ 150 صفحة غير في أعمال نهاية السنة .. وطريقة الدروس كلها غريبة وليست مطبقة في الكتب الخارجية كالمعاصر
بصراحة ، ليس لدي الرقم بالتحديد ولكن أعلم أن هناك عدد كبير من المترشحين الآحرار في الجزائر .. وحاجة وحدة نقولوهالهم : أو كاين ربي