السلام عليكم
البارح كنت خارجة من الجامعة
.وانا لازملي نركب الbus باش نولي للدار....
ايا في الطريق حبسونا ماشي حبسونا كامل بصح بقينا نتمشاووا غير بشوية
خاطر كانت الطريق مقفولة
بصح علاه ؟
زدنا تمشينا شوية حتى نشوفوا الطريق غير دم ...!
واااااو وla police والشعب بزاف كامل هبطوا يعرفوا واش كاين
يبانلي واحد دمه نشف تما ....خاطر كامل هداك الدم كان غير تاع واحد برك ...!واللي صرا ماشي حادث مرور
ماشي بين زوج سيارات ولا بين راجل وسيارة
......
!!!
بصح واش صرا؟!!!!
صحفيين كانوا غير يصوروا
قلت في بالي: لوكان حاجة تاع مداري وعلاه يجوا هادوا ؟!!
surement كاين حاجة grave ..
امالا مين قربنا وعرفنا واش صرا...
وااو تبغي تبكي كي تسمع ...!
نقولك ؟
زوج تاع les jeunes دابزوا
وواحد قتل الاخر بخدمي ....!
هدا وقت وصلناله ...؟!
واحد يوصل يقتل شخص مسلم كيفو على سبة زايد ناقص ...!
حرام والله حرام
......
بقانا درك غير نتمشوا وخايفين على رواحنا ؟!!
بالاك !! دوك يدخل فيك خدمي من موراك ..
من عند فلان
خاطر ماتفاهمتش معاه
......
راه حاب يقتلك
انت تساله؟!!
سبحان الله
ولاحول ولا قوة الا بالله
يارب استرنا
واهدنا للطريق المستقيم
سلام