[أسيرة الغموض]

السلام عليكم

بالنسبة للمناقشة بالوسيط كاين 2 ::
مناقشة أفقية (( f(x) = m ))
مناقشة مائلة (( f(x) = x + m ))

و تجيك صيغة السؤال :: ناقش حسب قيم الوسيط m عدد و إشارة حلول المعادلة (des fois غير العدد في حالة ما تكون صعب معرفة الإشارة ) ،،
في الحل ، تحكيمي انتي المعادلة لي تكون فيها طرفين و تحاولي تخرجي m وحدوفي طرف بالمقابل في الطرف التاني رح تخرجلك نفس الدالة لي عطاولك تدرسيها ،هادا في المناقشة الأفقية ،، و في المائلة نفس الشي تخرجي m و من بعد باش توصلي لشكل الدالة ، يكون لازم عليك تضيفي x للطرفين فتصبح المناقشة مائلة ( و عادة تكون المعادلة نتاع m كيما معادلة أحد المستقيمات المقاربة ))

ان شاء الله تكونو ديتي فكرة ،، و رح نعطيك متال ان شاء الله تفهمي أكثر