....راني نبني في وهامي...
راني نبني في وهامي ونهدم
حالي راني شاد ادموع العينين
شاهي نبكي على يامي دمع الدم
وفراحي نا فارقتني طارت وين
ياصديقة ما تقوليش اتبسم
ربما كيات فيا مخفيين
لو نوصفهم حتى الصخرة تتألم
اياماتي كلهم حر السكين
غدر اصحابي والحبيبة همي ثم
والدنيا طعنة بطعنة مرسومين
على صدري نا حرفهم ثما واشم
ماننساهم رسمهم في جوف العين
انا يا في غربتي راني نحلم
بالصح حلمي ما يطير بلا جنحين
يا صديقة غربتي ربي يعلم
ماني قادر ريحها عاصف وحنين