[محمد جديدي التبسي]

المشاركة الأصلية كتبت بواسطة thorpe

ما رايحش يتغير تلميذ ضربة وحدة في يوم واحد تاكد

ولا واحد يقدر يتغير بين يوم وليلة
وكاين امور ممكن باش نقلعو عليها اعطينا اكثر من شهر

انت حاول ترتب الاهم فالمهم
فمثلا قضية الشمة والدخان موحال تقلع عليهم في نهار ولا في اسبوع
دير برنامج لنفسك
وانا رايح نقترح عليك امر قادر تضرب فيه عصفورين بحجر

مثلا الدخان تتكيف كل يوم 10 قوارا
اليوم اتكيف 9 ونص يعني كسر قارو واتكيف نصور واحسبو مع الي جايين
وبعد ثلاث ايام زيد نحيه
يبقاو تسعة وعي رايحة
وباش تعاون روحك وتقاوم ننصحك تدير الرياضة
ماشي تروح تدير فوتينغ
روح مركي في كاش جمعية رياضية
اذا درت دير السباحة
تعرف علاش ؟
علا خاطر موحال تتكيف كي تعوم
صدرك تحسو قاعد يصفا
و تعرف علاش قلتلك مركي في كاش جمعية ؟
باش تعرف الناس ثم وما تبقاش عندك صاحب واحد
تعرف عباد بزاف
وباش تداوم على الرياضة
لانو الركض وحدك يخليك تدرح وتقول والله ماني قادر
بصح كي تكونو في جماعة ويكون عندكم شيخ مليح يخلق بينكم جو من المنافسة
وما تقولش راني كبير
والله العظيم نشفى مين كنت نعوم انا كان يجي شايب 85 سنة يتععلم فالصغيرة
كي نخلسو البروغرام تاعنا نروحو ليه ونبقاو نحكيو معاه
قلتلو مرة يا لحاج علاش تدير فالسبور وتعب في روحك
قالي يا ولدي انا ما نعرفش نعوم وحبيت نتعلم

قولي يرحم باباك شايب 85 سنة حاب يتعلم يعوم علاش؟؟؟
ارادة قوية صح والله
كي نشوفو نتحيلو

وامر اخر بالاك ما تعرفوش
الرياضة تريح الاعصاب وتخلي بالك يولي طويل
لانك ديما تكون نظيف وديما تستحم واذا خيرت السباحة يسما موحال تخرج من الماء والماء يريح الاعصاب
ونعطيك مثال ؟
شوف كي تكون منارفي وتروح تدير فيها دوش مليح
كي تخرج قولي اسكو تبقا منارفي ؟؟؟
علابالي راك قاعد تول لا
ايه مالا غير اتحدى نفك
اما بخصوص العمل وغيرو
هاذي حاجة تاع ربي
دير فورماسيو في اي حاجة
ورايح يفيدك
وكاش ما تحب ولا تحتاج راني هنا
جازاك الله كل خير
وربي يحفظ خونا محمد على الموضوع هههه قلتلو راني نولي سكنت في موضوعو ههه

بارك الله فيك أخي العزيز حسين
الموضوع موضوعك وعندك كامل الصلاحيات
أضحكتني كثيرا مع حكاية التدخين
أخالفك الرأي في ذلك
لازم الواحد يحبسو مرة وحدة مكانش منها درجة درجة في هاذي
هذا رأيي على كل حال
وأكثر ما أعجبني هو نصحك لأخي التلميذ برياضة السباحة فهي من أحسن ما يملأ الفراغ ويحسّن نفسية الإنسان

بارك الله فيك أخي حسين ربي يجازيك بكل خير على مجهودك في هذا الموضوع
شكرا جزيلا لك والسلام عليكم ورحمة الله وبركاته