تعريف الإهتلاك بالدارجة ^^ : شركة كي تشري مثلا حاسوب بـ 50000 دج ، هاذ الحاسوب العام الجاي ، القيمة تاعو العام الجاي مايش رايحا تبقى خمس ملايين ، رايحا تنقص ، هذيك القيمة اللي رايحا تنقص من قيمة الحاسوب العام الجاي ، حنا نحسبوها السنة ، هاذيك القيمة يعيطولها محاسبيا : قسط الإهتلاك السنوي ويرمزولها بـ : A ، هاذي A راهي جاية من كلمة Amortissement ولي معناها : إهتلاك
نرجعو للحاسوب ، ذرك الشركة ما دام علابالها بلي رايحا طيح قيمة الحاسوب ، واش يديرو ؟ يديرو عمر إفتراضي للحاسوب ، يعني وكتاه الحاسوب هذا يولي ما عندو حتى قيمة ؛؛ العمر الإفتراضي هادا يرمز له بـ N
ذرك كيفاه يحسبو الإهتلاك السنوي تاع الحاسوب هذا ، لو فرضا العمر الإنتاجي تاع الحاسوب هو 5 سنين ،،، مع العلم أن القيمة الأصلية تاع الحاسوب هي 50000 دج ،،، يعني 50000/5 = 10000 ، يعني قسط الإهتلاك كل سنة هو 10000 دج
تعريف الإهتلاك محاسبيا :
يُعرف المخطط المحاسبي الوطني الاهتلاكات بأنها معاينة النقص أو التدهور الحاصل في
الاستثمارات بهدف إعادة تكوين الأموال المستثمرة. حيث يتم حساب الاهتلاكات بطريقة تسمح خلال فترة زمنية
محددّة من إعادة تكوين الأموال المستثمرة لكل نوع من الاستثمارات. و تحسب الاهتلاكات ابتداءً من تاريخ
حيازة الاستثمار أو تاريخ الانتهاء من إنجازه، و يجب أن تحسب في نهاية كل سنة حتى و لو بغياب الربح.