[ل..ب..ن..ى]

السلام عليكم



يا الغافل نبدا ونقول
اقرا حذرك في هاد الدنيا
اسمع الكلام واحفظ المعون
وادي عبرة من هاد الحكاية:...
كان يعشقها كالمجنون
مايشوف غيرها في هاد الدنيا
في الصباح يخدم في التاكسيفون
يدخل للدلالة العشية
شحال كتروا عليهم الهموم
يخرج معاها بالنية
يسمع "حسني" ويبات مزطول
ويخمم غير فيها هيا
قالتلو: كتر فيا القول
والهدرة قوات عليا
كي يجو ا الخطابة واش نقول
بين روحك لمواليا
حبس الشيرة وزاد الالكول
هي اللي زيراتو شوية
جازوا 7 سنين و3 شهور
قالتلو راهم قبلوا والديا
ـــــــــــــــــــــــــ

"شحال استنيت هداك اليوم"
"ندخل عريس بين والديا"
"درت عرسي في الشيراطون"
"وعرضت الاحباب والفاميليا"
"استقامتلي سبعين مليون"
"درت عرسي بالمسامعية"
"قع هاد الشي وزدت قلتلهم"
"ماشي خسارة في عينيا"
داخل الاوتيل فرحان مسرور
بيوم الدخلة هادي هيا
ناوي الحلال وحاب يتوب
الطفلة ظهرت عيدارية
والفرشة بسبعين مليون
مسكين لعبت بيه الدنيا
خرج يعيط كالمهبول
خلاها طايحة ضحية
ــــــــــــــــــــــ

طلبولو بستين مليون
باش يغمولو القضية
بات سمانة في السيلون
التمة داق الميزيرية
شاف روحو كيفاش يكون
الستة مع المحابسية
شيان وجهو واصفار اللون
dakhel convoit lel berouaguia
يهدر وحدو داك المسجون مغبون:
"يا خاوتي حسوا بيا"
"كي نشوف الناس واش راح نقول"
"كيفاش نقابل مولايا"
"واش نعمل واش المعمول"
هاد الطفلة غدرت بيا"
"newiteha lia pour toujours"
"كنت دايرها بنت فاميليا"



التهــــــــــــــــــــــــــــــــــــــــــــــ ـــى بقرايتكخيرلك
مايدوم غي الصح
البنات هما اللي ماخلاوش بزاف غاشي يكملو قرايتهم
وضركا راهم حيطيست
وهي وين؟؟؟؟؟؟؟؟؟؟؟؟؟ ,,,,, هي تتزوج وحداخر خدام وببلاصتو
حاسب راح تشوف فيك مبعدا .....؟؟؟

خمم مليح

سلاااااااااام