[رحيق الايمان]

بارك الله فيك اخي والله الحكاية اثرت في و ساروي انا لك حكاية ايضا اعيشها عندي جدة عندها زوج ولاد الاول زوجاته وصرفت عليه هي وبنات ليه دار من ذهبها رغم انه جدي رحمه الله كان معارض على زوجته وهي كانت المهم وليدها قدام عينها وتشوفه و هذا الطفل تصورو راجل و يرقد في حجر امه حتى زوج تقلبت الاية ولى ما يشوفش فيها خلاص الا رضات مرته و جات يجي معاها و الا ماكانش والله العظيم نهار العيد الي يشوف جدة كيفاش دير قلبه يتحرق و يبكي بلا شعور تصورو توقف وراء الباب باه تلمح وليدها من بعيد رايج مع مرته وولاده لدار نسابه وكي تشوف ولاده تقول يا ربي احميهومله و بقي عليهم الستر و هو ما يغلطش و يجي يقبل على امه وساعات تغلبها الكبدة و تخرج تعيطله تصورو واش ترد مرته رانا مزروبين و هو ما يحركش ساكن وضرك رانا في عامين ماشافتش وجهو كي داير ومن مدة تحدت الجميع و قالت نروح نشوفو قبل ما نموت تصورو طبطبت على الباب حلت عليها الزوجة و قاتلها كسرتيلنا الباب و خلعتينا رانا راقدين وخلاتها على الباب كي قاتلها وينه قاتلها راو في الخدمة روحيلو و قفلت الباب واش رايكم في هذا النموذج و نزيدكم نموذج ثاني وليدها الاخر زوج المراة الاولى كان يحبها وهي تاني بنت ناس كانت مليحة مع امه بالصح في قضية انها تروح معاها عجوزتها و الا كي يجيو دارهم ما تحبهاش تقعد معاها من بعد لعبولها في عقليتها قالت ليه نخرج بداري وحدي بعد وفاة جدي تصورو واش كان موقفه بدون تفكير قاللها لمي قشك و دار باباك تعيط طلقها و بقى هو و امه 80سنة يطيبلها وما يحبش خواتاته البنات يجيو يطيبوله و كي تكون هي في الكوزينة يجي يعاونها لاه نقص نظرها 10سنين بلا زواج على جال امه يقول المراة موجودة اما ما تروح ما ترجعش وصبر و نال طيحو ربي في مراة بنت عايلة صح دايرة جدة في عينيها مالقري ساعات جدة تزودلها بالصح والله متهلية فيها. يسمى ضرك عند الزواج الراجل لازم يقصد بنت العايلة و بنت الرجال لانه ماش غير ارواح و زوج