[عطر الملكة]

المشاركة الأصلية كتبت بواسطة مختلف

ما شــاءَ الله
وصفْ نتاع واحِد ( ancien ) نتاعْ الصَّحْ -
بكامِلْ اللحظاتْ والأوصافْ الدقِيقَة
ــــــــــــــــ


ايه راك تشوف

وسنقتنصُ هــذِه الفرصَة لنعُودَ كثيرًا فالجامعَة و ( الإقامَة ) فعلاً مليئةٌ بالخبايَا والتجارُب
التِي تستحقُ الذكرْ
والضحِكَ أحيانًا -

صحيح في قمة اللحظات المحرجة توجد لحظات ضحك عندو الواحد ما يتفكر
ــــــــــــــــــــــــــــــــــــــــــــــــــ ــــــــــــــــــ


قبلَ أن أجِيبْ
لفتَ إنتباهِي أنَّ ( سلمَــى ) لمْ تتعرفْ على ( التِّيكِي ) نتاع الإطعامْ
وهُو ما ذكرنِي بــنُكتَةٍ قالها أحدُ أصدقائِي في الإقامَة الجامعيَّة
وكان يفوقنِي خبرةً وسنًا
كُنا نتحدثُ عن الزواجْ
ونظرتُنا للجامعيَّاتْ ومن تدرُس في الجامعَة بصفةٍ عامَّة

البعضْ قال : أنهُ لن يتزوجَ جامعيَّةً لما يراهُ من [ لعبْ كبِيرْ ]
وآخرٌ يقُول : [ يديكْ ماشِي كيفْ كيفْ ]

صــدٍيقنا الفكاهِي العزِيزْ الذِي كان يملئُ غرفتنا في الحيِ - ضحكًا وإبتسامةً

قال :
أنَا " نوريلْهــا التيكي نتاع الرسطُو .... إذا قالتْ هــذَا نتاعْ - البيسْ - ... نقلهَا إنتِ هيَ -

وإذَا قالتْ نتاع ' رسطُو' يعنِي قراتْ في الجامعَة )


ولكنْ صدِيقِي وقدْ تخرجَ حديثًا جدًا
كُتبَ لهُ أن خــطبَ إحدَى ( الخريجاتْ )
وكانَ كلامُه دعابةً لا غيرْ ... أوْ تغيرتْ نظرتُه

هههههههههههههههههههه
يسمى مقياس التفرقة بين الجامعية و غيرها تيكي الريسطو و الله نظرية تستحق التوقف

ـــــــــــــــــــــــــــــــ


المُهمْ


حكايَة "السيبيرْ بوزِي" و '' راحْ توالفِي '' غيرْ مضمُونَة
وسبقَ لصــدِيقِ آخر أنْ سقطَ على ظهرِه >> ولكُم تخيُل الموقفْ -

ولمْ يستطعْ الحركَة ولا الكلامْ
إلاّض أنهُ أكمل نومهُ على الارضْ ولمْ يكن يعتقدُ أنه سيتحركُ بعدُ
>> الحمدُ للهْ إنتهتْ على خيرْ وناضْ الصباحْ ' لاباسْ عليهْ '



ـــــــــــــــــــــــــــ



ومنْ حظِ ( سلمَى ) أنهَا طاحتْ معَ [ ملاكْ ] هذِه

ويبدُوا أنهَا '' ناسْ ملاحْ ''

وكملاحظةِ عامة
'' اللي يحبْ المطالعَة كاملْ متخافشْ عليهْ ... وإدِي مغمض ''>> وهيَ أحدُ الشُروطْ-



ايه سلمى محظوظة طاحت مع ملاك و وفرت عليها مشقة السيبر بوزي
ـــــــــــــــــــــــ


علَى فكرَة

ديمَا القدِيمْ يحبْ يبينْ باللي راهْ ( ancien ) '' كُلشْ''-

كاينة منها زعما يبان يفهم في كل شي و باه ثاني يبرز سلطته على الغرفة هذا ثاني سبب كاين ناس يحبو يتعاملوا بيه







وبِحكم أننِي سكنتُ في إقامَة ( مختلطَــة )
فالبنتْ حتَى وإن كانتْ ( لا باسْ بِيها ) من دارهمْ
فإنها ما تلبثُ تستسلِمْ لصدِيقاتِها من ( شاكِلةْ ) [ جيجِي ] و [ نانا ] >> ووحد المرَة سمعت وحدَة تنادِي لصاحبتهَا ( حُوكُو ) وهي إسمها [ حكِيمَة ]

فور هاذي حكاية حوكو و الله غير الراس يحبس



بإنتظارْ حكايةْ ( جُيجِي ) ومشتقاتِها -


ستكُونُ لنـــا عودَة



شُكرًا [ عطر الملَكـــة ]

ورُبما ستكُون هذِه الحلقَة فرصةً لــــــ تتداخل معَ [ مذكراتْ طالِب جامعِي ]

ايه معليش غير زيد شوية بهارات مع مذكرات طالب جامعي و الله حكايات صحيح الاقامة عندو الواحد ما يحكي و كل قصة ما تشبه قصة و ناس ما تشبه ناس
الله يستر من جيجي و نانا و مشتقاتهم
ابقى وفي للحلقات المقبلة