نزيدلكم حاجة الكل يقول بلي العشرية هي سبب الماسات هذي كذبة ماتسدقوهاش
ليقرى التاريخ ويشوف يعرف بلي دزاير بدات المشاكل النتاعها في الفترة الاخيرة نتاع بومدين والمسؤلين لحطهم في الجيش وكذلك في عهد الشاذلي كان راقد ومخدم والوا وسيبها جدها الحلوف من ثم بداو يتكون هذا اللصوص في عهد الشاذلي في الثمانينيات كي عادت سايبة من ثم جات التعددية وجات العشرية السوداء الي هما كانوا مشاركين فيها من ثم زادت راحت لبلاد لخطراش جماعت لكروش لي تكون في عهد الشادلي خرجوها طايطاي للشعب احنا نحكمو فيكم ومعندك ماديروا وخرجولنا قانون الطوارئ
المهم زاد طاح البيترول وزاد خلات مليح علينا وبعوها لكاب للبراني وقسموا درهمها وحنا كانوا يسكتوا فينا بلإرهاب ممبعد جابولنا بوتاف صح درلنا الوئام لكن ممبعد مكان والوا وقعدنا غير نفس الكلام ونفس الدائرة مزية زهروا طلع فيه البترول ويقولوا اخرين بأنوا الوئام داروا زروال لكن استقال و بوتاف كملوا وبدلوا الإسم فقط
المشكل في الجزائر أنوا 50/100 عايشين على ضهر الدولة من السرقة و الرشاوي على هذي مذا بيهم تبقى الأمور على نصابها ومذا بيهم متكونش تغير
والنص الأخر زواولة ومهمش لاتين لاتين غير بالخبزة وطيشوا عليهم السياسة لأنهم ماقدروش يدفعوا راشاوي باش يوليوا سياسين
أن المثقفين فالبلاد ساهل تشريهم بالمال الكل يحوص على مصلحتوا مدام الباي كاين مايحوسش يفهم
مشكل أخر الناس لعندها المال متحوسش الدير صناعة ومِؤسسات صناعية في البلاد يعرفوا غير الإستراد والربح السريع على هذي تمشي لبلاد وتغلى المعيشة
مشكل الدولة كلما تزيد المعيشة تزيد للناس في الأجر باش تسكت فيهم و مايحولوش يديروا مصانع باش يحلوا للناس مشاكل المعيشة الغالية والبطالة في نفس الوقت لأنه كاين ناس بزاف مستفديمن من هذا الوضع لكن هذا الدئرة متخلاصش منا على عمين شهرية تاع 100000 معندها ماديرلك
ربي يجيب الخير ونتهناو من الضلم هذا وربي يشفي بوتفليقة