البترول هو لي دار المشاريع خاطي عبد العزير النتاعك بكري البيترول ب20 واليوم ب90 سينورمال
لوكان نسيرها أنا ندير خير من الي دارو هو 150 مليار احتياطي
أوكل نعرفوا نديروا مليون سكن و نديروا فيهم التبزنيس لخطر هذوك مدروهمش على جالت الزواولة لكن داروهم باش يخدموا هما على رواهم وينهبوا البلاد
أما التوضيف معندي منهدر جماعة حشاوهالهم بالكونترا نتاع لانام الذكورا مزالوا مربوطين بلكارت جون الشركات مزالت تتقفل يوم بعد يوم الشركات الكبيرة باعوهم للبراني حتى المناء مقدروش يسيروه باعوه لفامرات كيعاد رايهم تالف المصانع نتاع الطماطم أقفلت جميعها بعد أن كانت تمشي نورمال حتى التريسيتي عاد يتكوبا دايمنا الطرق لدراهم فخامة الرئيس كلها رشات يبعد والسبب معروف
الخلاصة السرقة مزالت وتزيد والرشوة تمشي وتزيد الضلم يمشي ويزيد و المصانع تمشي وتتقفل والمشاريع نتاع السكن لدارهم نصهم لكبير رشى ولازم يتعاود حتى المترو راب عليهم هذيك النهار وداو الرخس من عند الفرنسين الترموي مترافيكي مكانش الزيقوات فيه الملعب معندناش ملع يصلح كيما نتاع تونس الخضرة
واش دار سي عبد العزيز ولا كي عاد ستفدتو من الزيادات نتاع السلاك هذيك مايش دايمة ومهيش سياسة اصلا
احنا شعب راقد وميت ومنخدموش ونشتيو الطايب وجبناء ومنختارعوا والوا مخدمين للذل ونبقاوا في الذل على هذيك عرفت بلي فرانسا قعدت 132 سنة وعجبها الحال جامي صرات دولت احتلت دولة هذا السنين وحلتلها القوادة دايرة حالة معندناش اهميم فالعالم العالم اكل يحتقرونا والدولة العضيمة النتاعنا قاعدة نورمال متتحركش المحبيس في كل بلاسة لوكان يخلاس البترول اليوم حتى ..........منلقاوهاش
وعلى هذيك سلط علينا ربي القيادة الرشيدة نتاع بوتاف
كما تولوا يولا عليكم