[سوكا]

نفس الاسلوب الذي كان يتبعه اولاد مبارك والعادلي الان نراه لا احد يقول لي انهم مأجورين والكلام الفاضي ده وبعدين انا عاوز اعرف حاجه المجلس العسكري لما تولي حكم البلاد او اداره شؤونه عشان التعبير يكون صحيح قال هي فتره انتقاليه لمده 6 اشهر فقط نحن الان باقي شهرين ونتم سنه كامله ولا جديد ضحكوا علينا بأستفتاء الدستور وبعدها كل سنه وانتم طيبين والان نسمع انهم لايريدون ترك السلطه ألا في 2013 ما شاء الله وكل فتره تمر البلد بتتنيل اكتر من الاول عجز في الاقتصاد وكل حاجه مش طبيعيه وطبعا كل المده ما بتطول ولا يوجد رئيس جمهوريه لا استقرار وانا عاوز اعرف هوم الاهم دلوقتي انتخابات مجلسي الشعب والشوري ولا الرئاسيه طيب ما مبارك كان بقرار منة بيحل المجلسين وبيقعدوا في بيتهم ولا ليهم اي لزمه يعني رئيس الجمهوريه هو الاهم واحد هيقولي ما احنا عاوزين نغير المبدأ ده وميكونش رئيس الجمهوريه هو الاهم ولازم البرلمان المصري يكون قوي ماشي يا سيدي علي عيني وراسي انا مش بقول بلاش انتخابات خالص الانتخابات قادمه قادمه علي الاقل لما يكون في ريس للمركب هنعرف احنا رايحين فين وجاين منين انما كده وبالوضع ده المجلس العسكري يسير في طريق اللاعوده واكيد بكره هنسمع كلام كتير علي المشير والكلام فعلا بدأ اللي يقول اصله خايف ليسلم السلطه يقوم الريس الجديد يفتش وراء ويكتشف بلاوي عمولات في صفقات اسلحه ألخ ألخ ويكون مصيره السجن بجوار اصدقاء الامس ...عموما سنري الايام االقادمه ماذا سيحدث فيها