[نسائم الهدى]

لو سمحت لي نحكيلك حكاية مثل كانت ماما تقولهولي منذ كنت صغيرة ومازالت لليوم
تقول ماما
السلام يجيب كلام
والكلام يجيب الفقوس من البحيرة{الأرض المزروعة}
وهدا المثل عندو حكاية
قالك كان زمان راجل غرس البطيخ الأصفر كي خرجت الحبّة وكبرت ورجعت فقوس كل يوم يجي كثر من واحد من أهل القرية زعمة يتحدثوا{يشايخو} معاه
يتكلموا يتكلموا يتكلموا ومن بعد يقولولوا
هدا الفقوس راه الله يبارك
هو واش يقوللهم
هاوليك خذ حبة أو اثنين والله ما خسارة فيك
كي سمعوا ناس القرية عجبهم الحال واستغلوا الفرصة وعادو كل يوم يزيدو كثر
الراجل كره من استغلالهم
وفي واحد النهار جاو لعندو جمااااااعة{خلاصلهم الفقوس }
وصلو لعندوا قالولوا
السلام عليكم يا سي فلان
السيد انفجر فيهم قاللهم
لا سلام ولا كلام قالك
السلام يجيب كلام
والكلام يجيب الفقوس من البحيرة
وهكدا فهموا ارواحهم بلي زادو على الحد وكرهوا السيد في حياتوا
إدا انت يا اختي أحفظي الحكاية والمثل ونهار اخر ما كان لا سلام لا كلام أوكي
سلاااااااااااااااااااااااااااااااام