اقتباس:
المشاركة الأصلية كتبت بواسطة منة الرحمن
حنا في قسمنا ما نعتمدوش على الفعل في حد ذاته حولنا طريقتنا إلى الهجاء و فقط ....... لكن صراحة هجاء لاذع و اللي زاد من متعتنا أننا في حفل نهاية السنة العام الماضي قريناه على مسامع كل الأساتذة ...... هههههههههههههههههه
لكن واش نديرو ..... إذا حبيتي تعرفي علاه توجهنا لهذي الطريقة ديري طلة على موضوع الأستاذ المثالي راني حكيت فيه على بعض المصائب للي طاحت علينا العام للي فات و مازالت تتبع فينا لليوم ...... كي تقرايها تعرفي و علاه الأفعال مانفعتش ......
|
اقتباس:
المشاركة الأصلية كتبت بواسطة منة الرحمن
ما عليناش نزيد نحكيلك على حوايج درناهم ......... مرة حنا البنات في وقت المداومة (بعد الغداء) قاعدين في القسم و ملينا من القعاد .. مالا اقترحت علينا طفلة أننا نقلدو الناظر و بعض الأساتذة للي كانو دايرين فينا الراي العام اللي فات .... و فعلا بدينا نقلدو فيهم .... ياخي تعرفي التلاميذ حطيلهم كلمة أستاذ و روحي ... ما انتبهناش للوقت حتى جا واحد المراقب داخل علينا ... أنا وحدة من الناس قلبي حبس .. قالنا المراقب شكون هذي للي راهي قاعدة تقلد فالأساتذة .... الحمد لله ما كانش مراقب واحد آخر هذا المراقب للي دخل كان عارف واش راه صاير فينا علابيها ضحك و ماقالنا والو
و نزيدك وحدة.....العام للي فات كان عندنا مشاكل كبيرة مع أساتذة الرياضيات .. و مرة وحدة من صحاباتي قالت للأستاذ ما فهمتش ويعاودلها الشرح .. شويه و صرى مشكل بينو وبين أحد الطلاب .. المهم هو قبل ما يخرج من القسم و يدي الطفل للرقابة كتب العنوان للي رايحين نفوتو ليه و خرج ,,, الطفلة للي قتلك عليها راحت محات العنوان و رجعت لمكانها .... كي جا الأستاذ قالهم شكون للي محاه واحد ما نطق .....
|
اقتباس:
المشاركة الأصلية كتبت بواسطة منة الرحمن
حصة الفيزياء العام للي فات كانت كارثة (كما هي هذا العام) ... والتلاميذ حبو ينتقمو من الأستاذ لأنو ما دارش بالو للإضراب للي درناه .... كاين واحد من الولاد كان دايما يخرج البورتابل نتاعو ويبدا يقول لصحابو أيا نكسرولو التباسا و يبدا يدير في أصوات تكسير الزجاج بالبورتابل ....
و هذا الطالب نفسو كان يدير صوت نتاع قطة (من البورتابل) في المخابر و يبدا يدير روحو يعيطلها ... وصراحة هذي حنا البنات ما فقنالهاش حتى لوحد المرة دارها في القسم ... كي جات في المخابر قلنا بالاك دخلت ليهم , تقدر تدخل لكن في القسم مستحيل ......................... القطة تطلع زوج طوابق باه توصل للقسم هذي نوعا ما ماهيش معقولة ......... و للي يزيد يضحكني عليها أنو أستاذ الفيزياء كان فايقلها و حنا كنا نبداو نشوفو تحتنا نحوسو على القطة .......... ههههههههههههههههه .. عمري ما ننساها هذي
|
اقتباس:
المشاركة الأصلية كتبت بواسطة منة الرحمن
نفس الطالب هذا نقولولو الرافاي نتاع القسم ... على خاطر كل ما يكمل كاش أستاذ يملي علينا ولا يقولنا نحلو تمرين مازال الحال يقولو أستاذ راهي قريب تصوني ............... ههههههههههههههههه ..... الأساتذة عادت تقلقهم هذي الجملة بزاف خاطركل يوم تتكرر...
|
ههههههههه :d باين بلي كلاصتكم فوووووور ......... مي ماشي قد الكلاصة تاعنا ......
شعارنا )طوايش بلا حدود(
عجبتني العفسة تاع القطة
مشكورة أختي