بسم الله الرحمن الرحيم
أنا برأيي أن عمل المرأة لاعيب فيه بل انا أشجعه ...المرأة كائن بشري يحس وماهيش ماشينة خدامة على الراجل ...على خاطر لاحظت في وحد الردود يقولك لمرا لازمها تخدم في دارها و....وعلاه حسبتوها مخلوقة غير لخدمتكم وراحتكم والأعمال الششاقة ؟شكون اللي قال هكذا؟؟ربي؟؟ماظنيتش.ربي سبحانه قال بعد بسم الله الرحمن الرحيم:*وقل اعملوا وسيرى الله عملكم ...*صدق الله العظيم.ماخصش ربي سبحانو الرجال بهاذي الآية .وشكون اللي قال بللي لمرا اللي تخدم برا ماهيش محترمة ..راهي محترمة ونص وخمسة وعشرين ..تخدم برا وفالدار والله غير مرا ونص .أنا ماما تخدم ونتشرف بيها ونستعرف بيها وماشي معناتها بللي مارباتناش مليح ..بالعكس راهي رباتنا خير من النسا اللي قاعدين فالدار وقراتنا خير من النسا اللي قاعدين فالدار والحمد لله وأنا تاني بإذن الله ناوية كما نخلص قرايتي نخدم .وواش حبو يقولو وحايد؟بللي بابا مايغيرش عللى ماما ويخليها تختلط و التفاهات الاخرى؟؟لالا بابا إنسان محترم ومتفتح ومتحضر ويقدر المراة وعلى بالو بللي الخدمة ماهيش حرام .وحبيت نرد على اللي يقولك وعلاه لمرا تقرا وتخدم؟أولا العلم فريضة على كل مسلم ومسلمة وهذا واضح في حديث الرسول صلى الله عليه وسلم وماقالش فريضة على كل مسلم برك قال مسلم ومسلمة ..ملا ماكالاه تضخمو الأمور يادراري وتقوقو مالازمهاش تقرا فالعلم نور والجهل ظلام ..والأم مدرسة إذا أعددتها أعددت شعبا طيب الاعراق فإذا كانت الام جاهلة واش تستنى منها ؟واش رايحة تعلم أولادها؟وكيفاه رايحة تربيهم؟كيفاه تقرا القرآن؟كيفاه تقري اولادها وتربيهم وتعلمهم احسن تعليم؟.وشفت وحايد قالو تروح تخدم الكسرة وعلاه النسا الخدامات مايعرفوش يديرو الكسرة؟العكس.والله غير هوما اللي يحتاجو التقدير والإحتراام ..يخدمو برا ويزيدو يخدمو فالدار.
المهم :::بما أن ربي سرح للمراة أنها تخدم والرسول صلى الله عليه وسلم سرح لها تقرا لقوله:*العلم فريضة على كل مسلم مسلمة* فإن المرأة لها الحق في طلب العلم والعمل مثلها مثل الرجل..وبذلك يصبح الموضوع لايحتاج إلى نقاش.فلا يوجد رأي بعد الله والرسول صلى الله عليه وسلم.
وما نقدروش نقولو *نساء آخر زمن*لأن النسااء يعملن منذ القدم ..من عهد الرسول صلى الله عليه وسلم إلى يومنا هذا ...فلا يجب القول *نساء آخر زمن*بل يجب القول*رجال آخر زمن*الذين أصبحت مهنتهم الجلوس في المقاهي ومراقبة البنات والنساء ...
دمتم بود