[missossa]

السلام عليكم بالنسبة ليا أختي ماكانش فرق راهم يتحضروا بنفس الطريقة الفرق الوحيد الدولمة عبارة عن خضر محشية باللحم المفروم والمثوم عبارة عن كريات وحدهم وطريقتي نحط البصل والثوم والزيت والحمص والدجاج أو اللحم قطع يتقلوا مع الملح والفلفل الأكحل وسكن جبير إذا كانت المرقة بيضاء والفلفلة الحمراء أي العكري إذا كانت المرقة حمراء ونمرق ونخليه يطيب ثم نوجد اللحم المفروم نحط فيه شوية بصل وثوم ومعدنوس وقصبر مقطعين صغير وملح وفلفل اكحل وشوية قرفة ونلمو بحبة بيض ونكوروا إذا كان مثوم ولكانت دولمة نحشي الخضرة ونحطهم يطيبو في المرقة بعد ما يطيب الحمص شوية وشهية طيبة ونتمنى نكون وفقتك