جيتيني ما بين غدار يهودي وعربي مسلم باع ذاويه لاسرائيل
العروبة غسلت يا غزة يدي ما نطمع انصيب عربي في ذا الجيل
غزة ها ثمة غي اصبري و اصمدي قادر ربي ينصرك ماهوش بخيل
ارواح هناي احفر لحدك حدي واك اني مدفون بارح في الليل
ونسيني مليت من الحفرة وحدي نحكو لالتاريخ قصة هذا الجيل
نوصو في لبيات ولدك وولدي يسمو في لولاد قابيل وهابيل
خليهم يتناحرو عرب وكردي تصفى بالتخلاط كي يطفح الكيلا
اللي راح للواد خليه يعدي واتهلاف الريح لين معاه والحيل
عمرك تتخطي الواد الي يدي وتتامن السحاب الجافي وقت مقيل
عندك العلم كبير و الحكمة عندي ناوبني بحديث نلقاو التاويل
قابل ذي الغابة وخليها تقدي مالينل طاقة نطفوهابدخيل
غير انت يا بلخير من يفهم قصدي وينوض الراقدة في جوف الليل
ساميني وبدا تصادي وانصادي نبكوها بالدم قصة عام الفيل
قابلت الشاعر موغي في خدي لالي طاقة نوصلك مالاعندي حيل
قالتلي غزة اتفرج يا ولدي تحلى الفرجة الشتا والليل طويل
قالتلي غزة كليت سعدي في سبدي من صدام حسين ما باقي تاويل
قالتلي غزة كليت سعدي في سيدي عدموه بلا واتيه في يوم فضيل
صدام الي كان رمز التحدي خانوه وخلفوه خيان مذاليل
و الله ما يسواو صباط الزايدي قالت غزةقول كيما قلت اقليل
في حرب العديان خايني جهدي وولد العم اللي حسبتو ليك امثيل
بيت العنكبوت واهن و امسدي واقف بوخيال مالك مر النيل
كث فيه للقب بيه وافندي وجهو ماسخ ما يحبر للتبهديل
محسوب علينا الجايح والراضي والراجل يروح تحت دريس الخيل
من غرس بال ماشتا باغي ندي مافرح مولاه مابين بقصبيل
في اخر الحال يستسبع الشادي ليام العوجة الراس تردو ذيل
انا جلادي خرج لي من جلدي واش يدير اللبيب في وسط المهابيل
مهماكان الحال ما نخلف وعدي مانخشى ويدان هذا مستحيل