[جسور المحبة]

اختي راح نحكيلك حكاية نتمنا تستفادي منها او على الاقل تصبرك كانت وحدة في اول عام جامعي ليها وكانت تعاني من مشاكل كبيرة في دارهم وفي عامها الاول شاءت الاقدار انها تتعرف بواحد على الرغم انها ملتزمة و تخاف ربي المهم كذب عليها في كلش برك اسمو لي صحيح وتعلقت بيه لدرجة ماتتصورش وبدات تشوف منامات فيه مش ملاح وتحكيهم لصاحباتها وما يفوتش يوم يتحققو 90 بالمئة ومن بعدها اختفى وبدا البكا والاحزان وش نقولك وما لقات لوين تتجه غير لربي وفوضت امرها ليه وقطعت العلاقة وفات عليها تلات سنوات وفي يوم من الايام عيطلها وقالها اسمحيلي قاتلو على وش نسمح ما درت والو قالها راني شفت منامة شفتك غارقة وكي جيت ننقدك ومديت ليك يدي ما حبيتيش نساعدك امالا قلت نسقسي عليك وش احوالك وهكا ومزال يكدب بصح جاب ربي طريقة وعرفت حكايتو وصدقو انها تعرفت بواحد من عايلتو كان يقرا معاها وتخيلو الوقاحة انو كان متزوج وعندو بنت وقالها راني حاب نطوي صفحو الماضي ونبدا صفحة جديدة امالا قاتلو راني نعرفك مليح وهو مات بالخوف وقالها راني حاب نفهمك الامور لي صرات قاتلو ما عندي ما نفهم وقطعت الاتصال بيه نهائيا وربي عوضها خير منو وضرك كانو لا يعني ليها شىء لانو ربي سبحانو ما يظلم عبادو خاصة لي يمشي بالصفء والنية املا فكي عليك الهم وادعي في السجود لانها هذا وش كانت دير بش قدرت تقاوم الاحزان نتاعها وربي يكون معاك وذا كش ما حتجتي راني هنا