دك نقولك واش ضرالي بلعقل مارانيش قادر نهدر
كيلقيتهم تشوكيت كنت رايح نصوطي ماتاقة 
اومبعد قلت اصبر اصبر يالبهلول الدراهم جاو عندك وانت ......
عاودت وليت قعدت نخمم كيفاش انديرلهم دك هادو ؟؟؟؟ حرت ...الخزانة ماتكفيش . تحت السرير مايكفيش امبعد جاتني فكرة
خبيت شوية فلخزانة و شوية تحت السرير شوية فلكوشة يعني وين جات نحط .... هادوك امبعد نولي ليهم وشبيك لازم ورقة ماتخص
و الباقي جبت ايزار او غطيتهم كاش ماكاين راني نخدم و حالتي حالة
شوية هكدا دقدقت الجارة فتحتلها الباب ...قاتلي واش مازال مارحتش تقرا ؟؟ قلتلها لالا اليوم اضراب ...راني جيعان طيبت حاجة خفيفة
دهشت او قاتلي لالا يا وليدي ماشكيتش ..كاش ماصرا ؟؟؟ كاش ماكاين ؟؟؟ راني نسمع غبر فادريز و الجرية عمبالي الزنزلة
قلتلها ماكاين والو يا لحاجة وانا خلعت خلاص قلت في قلبي راهي راحت عليا خلاص فاقت بلي عندي دراهم او خبيتهم او او او ........
وليت خضر مالخلعة :d:d:d:d
قاعدا تخزر و تطل داخل الدار كاش ماتشوف .....حبستها او قلتلها غير الخير يا الحاجة كاش ماتسحقي خاطر راهو ماكاين والو راني وحدي او راح نرقد ( قصدي روحي عليا و هنيني )
هي ماحبتش تفهم يعني تعرفوا لعجايز كيفاش ...رحت او جبتلها شوية مهادوك الدراهم 2 ورقات بزاف اعليها ههههههههه قاتلي لالا ياوليدي مارانيش نطلب جيت نشوف برك وش كاين ايمالا راني رايحة كاش ماتسخق قلي
انا ولاتلي الروح اووووووووف امبعد دارت قاتلي وريلي هادوك الدراهم ليجبتهم معليش نديهم انت عندك بزااف منهم لالا
اعطيتهوملها وانا نرعش ...خلاص راحت عليا
تابع ..........