[جلفاوي 17]

الوزارة : عندك دبلوم يا طفل
المتعاقد : ايه
الوزارة : ارواح قرينا الذراري
المتعاقد : بالصح عندي دبلوم اقتصاد ,حقوق , مهندس
الوزارة : ما يهمش المهم تعرف تكتب وتقرا كاين نعلمين بكري عنهم 4 متوسط وخرجو رجالة واطارات.

بعد سنوات من العمل والجهد والميزيرية

المتعاقد : يا وزارة ادمجيني
الوزارة : يا سلام , معندكش تخصص
المتعاقد : كيفاش ماعنديش تخصص
الوزارة : ماعندكش تخصص يسمح لك باش تفهم الذراري
المتعاقد : والاجيال اللي قريتهم في هذي السنين ما مصيرهم
الوزارة : راني ندير في الاصلاحات التربوية

المتعاقدون عملوا احتجاجات

الوزارة : طيب طيب اللي كان خدام انهار 28 يرفد يدو

المتعاقد انهار 28 مارس :

المتعاقد قبل 28 مارس : واحنا يا وزارة

الوزارة : اثبت لي انك جزائري

المتعاقد قبل 28 مارس : جنسيتي في بطاقة التعريف جزائرية

الوزارة : هذا غير كافي

متعاقد مدمج عندو تخصص اقتصاد : علاش يا وزارة قبل قلتينا ما عندناش تخصص تدريس واليوم هانا ندرسو.

الوزارة : ميش مشكل غيرنا المنشور ونحن كرماء وانتم ابناء الوطن.

متعاقد قبل 28 مارس : واحنا متقدريش تغيري المنشور على جالنا.

الوزارة : المنشور حاجة مقدسة وظهر في الجريدة الرسمية وغير ممكن تغيره.

متعاقد قبل 28 مارس : يعني لازم لنا احتجاجات اخرى


يا متعاقد قبل 28 مارس هذه الوزارة تفرق بين الناس
وغير عادلة.

لكنها تفهم بمنطق الاحتجاجات فعلينا بالمكاتبببببببببببب