[النايلية الأصيلة]

الدرس الثامن

شرح البرقع دا:-

الشرح :-
البرقع ده ممكن نعملة على 3 طرق
الطريقة الاولى حنتعامل مع البرقع على انه قطعة واحده
الطريقة التانية حنتعامل مع البرقع على انه قطعتين
الطريقة التالتة حنتعامل مع البرقع قطعة قطعة
دلوقت حشرح الطريقة الاولى و هى اننا حنتعامل مع البرقع على انه كله قطعة واحدة

الفستونة الواحده متر و نص + 30 سم الارتخاء = 180 سمالنزلة حسب ما تحبى طولها حنقول 2 متر
يبقى عندنا 180 + 2 متر = 380 سم
يعنى كلها 380 * 2 = 760 يعنى 7 متر و 60 سم
ده غير النزلتين الملمومين الاورنج و السكرىحنقول طولهم من الماسورة لغاية الارض 250 سم + 4 سم التنيات لكل لون يعنى اللونين فى الجنب الواحد 5م و 8 سم
و القطعة اللى نازلة بين الفستونتين طبعا حنا شرحناها قبل كده

الشرح مرة ثانية تفصيلي:-ا

رقم 1 الجزء ده دايما نحسب عدد امتاره بحساب المسافة بين البلتكانة او الماسورة للارض
و غالبا بتكون 2 ونص متر او 3 حسب ارتفاع السقف
يعنى لو عايزة تعملى النزلة دى حتجيبى 2 ونص متر للبرتقالى و زيهم للبيج يعنى الجنب الواحد حياخد 5م للونين كل لون 2 م ونص و طبعا كل ده بنشتغل على عرض القماش اهم شىء الطول و كل الاجزاء اللى حشرحها القماش على عرضه يهمنا الطول بس يعنى حنقطع كام متر من بياع القماش
رقم 2 حنشوف عايزين ارتفاع الجزء ده قد ايه يعنى هنا فى الموديل ده مرتفع عن الارض نص متر و احنا قلنا من الماسورة للارض 2م ونص يبقى 250 سم - 50 سم = 200سم يعنى 2 متر
و غالبا الجزء ده بيكون طوله متر و نص بس مع ملاحظة شكل الموديل فيه موديلات تانيه بيكون اقصر من الموديل ده بيبقى متر و نص بس

رقم 3 الفستونة بنحددها على حسب طول الماسورة عندنا و احنا عايزين نعمل كام فستونة فى الموديل
يعنى لو ماسورة 3 م و عايزين نعمل فيها 2 فستونة بس يبقى 175 سم حجم الفستونة و هنا 2 فستونة يعنى 3م ونص
ليه مع انى دايما بقول ان الفستونة متر و نص ايوه غالبا بتكون كده بس الموديل ده 2 فستونة و المساحة 3 م يعنى حنقسم المساحة كل متر و نص عليه فستونة فطبعا مش حيكفى اننا نحسب لها قماش متر و نص حتبقى صغيرة حنزود 25 سم عشان الارتخاء اللى هو بيعمل الشكل الدائرى
رقم 4 المنديل الاوسط ده دايما بيكون متر ونص فقط لا غير الا اذا كنا عايزينه اطول شويه بنعمله 175سم

رقم 5الجزء ده بنعمله كبطانة عشان يدارى الماسورة او البلتكانة و يدى شكل حلو لخلفية الموديل و ده بنحسبه على اساس طول الماسورة او البلتكانة و عرضه مش اكتر من 40 ل 50 سم و ممكن ناخده من من قماش الاجناب بس مع ملاحظة ان الاجناب كشكشتها حتقل شويه

رقم 6 دى الستارة الىشيفون او الخفيفة اللى بتبقى تحت البرقع و بنحسب لها عدد الاىمتار على اساس مساحة الماسورة او البلتكانة مضروبة فى 2
يعنى لو الماسورة 3 م حنجيب قد ايه .................برافو 6 م عشان الكشكشة تكون حلوة

الرد على الاستفسارات :-

لو حتعملى على ماسورة كبرى الجراب اللى حتتحط فيه الماسورة و هى على طول الماسورة لو ماسورة 3م يبقى هاتى 3 م و نزولها ده اللى هو العرض خدى مقاس قطر الماسورة + الزيادة اللى حتنزليها ولتكن نص متر و دى حاجة ترجع لرؤيتك
يعنى ما تحطيش الطرفين على بعض لما تكبرى لاء خدى بس قطر الماسورة و سيبى الباقى نازل

فضلك يا ام حبيبة الحتة اللى فوق الفستونات بتركب ازاى وبتاخد قماش اد اية ممعلش يا ام حبيبة هتقل عليكى

ابدا ما تقوليش كده تحت امرك حبيبتى
انا شرحتلك فى ردى اللى فوق
الستارة دى هعملها على 3متر
القماش الغامق اللى فى الجناباجيبلو3.5م والفاتح للجناب 2.5
ممكن بس وازى المقاس عشان يبان اللونين يعنى حطى الغامق و بعدة بمترين حطى الفاتح تحتيهو خيطى لما تكشكشى حيبان كانهم مقاس واحد
والفستونات الاثنين3.5 صح والمنديل اللى فى النص 1.5 صح ومناديل الجنتب3م صح