[مصريه جدا]

المشاركة الأصلية كتبت بواسطة الكبتن عمر

لاتفهمي ردودي بالنقص وبالعكس
اسالك سؤال وجاوبيني بصراحة
لو كان زمن مبارك هل ستنجح الصفقة بهذه الكيفية

فى زمن مبارك اكيد فاكر عزام عزام الى قبضت عليه المخابرات المصريه وسجن فى مصر حوالى 7 سنين
ودا كان صيد سمين لاننا حبسناه فى مصر الفتره دى وفى الاخر قيضناه بحوالى 300 اسير فلسطينى مش فاكره العدد بالظبط
لكن شفته وهوا خارج من مصر وشفت الاسرى الفلسطينين المفرج عنهم

يعنى بخصوص لو زمن مبارك حكاية عزام عزام كانت فى زمن مبارك بس طبعا العدد قليل جداجدا

وكمان كانوا رافضين الافصاح عن انهم عملوا تفاوض عن اطلاق سراح عزام وكانها شئ مش كويس


انت ليش تتحرجي عندما نتكلم على السياسة المصرية السابقة
وكأنكي حازنة على مبارك
هقلك الصراحه
اكيد زعلانه على مبارك النسان
بالرغم انى خرجت فى الثوره بس مكنتش اعرف ان الامر هيتطور ويوصل انهم يطلبوا رحيل مبارك
مبارك عمل حجات غلط ايوه انا مش بنكر ده

بس كمان مش قادره انسى انه كان رئيس لمصر 30 سنه
وكنت بتمنى يخرج بشكل احسن من كدا

اقلك شئ مهم حصلى وانا فى المظاهرات

لما خرجنا كلنا مكنشى فى بال حد فينا ان الامر هيتطور ةيطالبوا بسقوط مبارك
كان لينا مطالب معينه طالبنا بيها

وفى الهتافات فوجئت لما قالوا الشعب يريد اسقاط النظام
ولما قالوا يسقط يسقط حسنى مبارك
تصور مقدرتش اقول يسقط حسنى مبارك لدرجة ان بنت من الى جنبى ضربتنى على كتفى وتقولى قولى يسقط مبارك
قلتلها لالا
قالتلى امال ايه الى جابك جايه ليه
قلتلها لما خرجنا من بيتنا مكنشى فى بالنا سقوط مبارك خرجنا نطالب بحقوق لينا ودا كان المتفق عليه

يعنى يااخى الكريم انا حزينه على وضع مبارك بالرغم انه عمل حجات غلط كثير
شفت صراحه اكثر من كدا دلواتى بعض الناس هيقولى عنى خاينه هههههههه بس معلش دا رايى وبقوله فى كل وقت ومش بخاف انى اقوله
لا ياعمر انا مش بزعل لما تتكلم عن النظام المصرى السابق
بس انت فى ردك السابق قلت ان حماس لاتثق فى مصر
انت هنا قلت مصر مش النظام المصرى السابق ودا شئ زعلنى الحقيقه
اسف الاخت مصرية جدا

اسف على ايه اخى الكريم احنا اخوات
انا والله احترمك واحترم الشعب المصري وانتي تعرفي ذالك

انا عارفه والله وانت كمان عارف انى بحرتمك جدا وانك من الناس المحترمه الموجوده هنا فى المنتدى

ومش انا لوحدى الى بقول كدا كل المصريين الموجودين هنا بيقولوا كدا انك انسان محترم
ولكن في الاونة الاخيرة تغيرت نوعا ما وكأنكي تنظري لي باني اصبحت عدو لكي او لمصر
بالعكس والله بس انت من بعد تدخلى فى الخلاف بين عضو هنا وبينك حاسيت ان الموضوع زعلك ليس الا فبقيت بتجنب الردود
انا احترم الشعب المصري وفيه فرق بين الشعوب وانظمتها وعليكي ان تعي ذالك

تسلم يارب اخى الكريم
وانا اكيد قادره افرق بين النظام والشعب
اما الصفقة فنجحت عندما سقط مبارك واهله

الصفقه فعلا نجحت بالعدد ده فى ظل مصر الثوره واالمجلس الغسكرى

يلا الحمدلله وان شاء الله القادم احسن لكل الدول العربيه