[نسائم الهدى]

المشاركة الأصلية كتبت بواسطة imene english

السلام عليكم ،عندي بنت عمتي عمرها 29و غير متزوجة مزال نصيب ماجاش المهم هذه بنت عمتي كانت وحد الوقت مليحة معايا اتخيلو. حت ملابسي كانت تسلفهم عليا أنا كنت مانحبش و لكن مانحبش نحشمها. تلاقيت بها اليوم دارتلي وحد الجاست أنا دائماً كي ندخل عل الناس نقول سلام عليكم و ندخل مبتسمة و نسلم عل الغاشي و نسقسيهم ماعنديش عقدة نحب كي نشوف لحباب بالصح هي كي شافتني سلمت عليا مزيرة وجها أنا انخلعت و هكذاك مادرت الو في بالي و من بعد دارو الغنا و أنا ملتزمة لا اسمع الغنا و لا ارقص هي ناضت تشطح قدامي حسيتها تشطح بالغزال و الي زادت خلعتني وحدة عجوزة عمتي قالت لوالدتي استناي تزوجي بنتك طفلة وحدة و تخرجيها واش تبكي عليها الي كانو قاعدين كامل قالو إيه تشبعي بكا طفلة وحدة واش يصبركم و نطقت بنت عمتي بصوت عالي (كي طفلة وحدة كي 10بنات كامل كيف كيف )الي كانو قاعدين كامل نخلعو فيها و سكتو و هي تقولي حبت تاكلني بعينيها حت عمتي الله يهديهانشوف فيها تخزر فيا بزاف خزرات من التحت للتحت و الله دعيتلها لبنت عمتي باش تتزوج قبلي عل. بالي واش راهي تخمم لانه خطرة خطبوني ناس وبعثو معاها يسقسو هي قالتهلم بلاكو تدناو يماها حبتها تقرا و بالصح منهار كملت قرايتي او هي مبدلة و الله أنا مادرتلها والو غاضني الحال بزاف منها و رآه قريب العرس ونتلاقاو الله يديها قولولي كيفاش ندير معاها أنا عمري 23 وصغيرة عليها بالصح عمري في حياتي ماشنفت عل كاشواحد علاه دارتلي هكذاك

واش نقولك اختي
تصرفها غريب ولكن ربما أنت قلت كلمة أو فعلت أمرا دون أن تنتبهي بأنه سيزعجها وهذا ما جعلها تغضب منك أقول ربما
وأنا والحمد لله لم تحدث معي أشياء مثل هذه
فقبل عامين تزوجت ابنة خالي الوحيد وكانت في العشرين من العمر وأنا أكبر منها بـ 6 سنين
طلبت مني بنفسها أن أكون مرافقتها ورغم أن هناك من اعترض على ذلك ولكنها قالت لهن
حتى وحدة ما تصدرني من غير كريمة واللي ما عجبوش الحال يشرب البحر
والحق وقفت معاها نهار الحنة ونهار العرس حتى الدقيقة الأخيرة لدرجة أن الحذاء جرحني وبعد العرس لم أستطع المشي ولكن ميمي حنونتي كانت في غاية اللطف معي وتستهل كل الخير وللآن مازالت متواضعة وليس مثل بقية البنات لما الواحدة تزوج تحسب روحها اكتشفت كوكب جديد
إذن اختي حاولي انت تتعاملي معها بلطف وتوضحي الأمور لربما قستيها بلا ما تعرفي
هذا ما أعتقده والله أدرى وأعلم
سلااااااااااااااااااااااام