[فريال المحتاجة عفو الله]

المشاركة الأصلية كتبت بواسطة RANEEM

السلام عليكم

حفظ الباري عزيزتي على الصرح الطيب...وخير جمع جاعة اجتمعت على خير كطلبة العلم

وبالنسبة للاستفسارات فسأفتح مجال السؤال

في مادة الفيزياء:

البروووووووووووووووف راح يهبلني من يوم الي دخلنا يحللنا غير معادلات اكسدة ارجاعية وجدول التقدم والاسئلة الصعيبة ما يحيهاش هبلني

ضرك نجيب نموذج منهم

لكن فقط حبيت لوكان تفهموني في السرعة الحجمية ووقتاه تكون السرعة الحجمية بدلالة التقدم x

وبوركتم مسبقا

موفقين

راح نقوللك عبارة يقولهالنا أستاذي المميز و دايما تشجعني و في نفس الوقت تضحكني
تخيلي أنو يحكي بانفو ههه و اقراي الجملة : سااااااااااهلة ما فيها والو !!! هادي راح تغلبني ؟
المهم
شوفي السرعة الحجمية واحدة من القوانين الـ 8 اللي درسناهم و الحمد لله قدرت نحفظهم عن غير قصد يعني بالفهم برك
v ( vol ) = 1/ v * (dx)/ (dt
v : هو الحجم الكلي نقدرو نكتبو Vt
dx / dt المشتقة بالنسبة للزمن و هادي يا أختي تحسبيها بميل المماس طبعا في اللحظة اللي طلبها منك
ميل المماس هو tan يعني المقابل على المجاور

أنا كنت نعمل وحد الخطأ و مع حل التمارين الحمد لله يا ربي ما بقيتش نعاودو و حبيت نقلكم عليه باش ما تعملوش كيفي و تنتبهو
أنا كي يطلب مني حساب السرعة الحجمية bon نرسم المماس عند اللحظة t= ؟ مبعد نحسب المقابل نلقاه بالـ cm و نحسب المجاور أيضا بالـ cm و أختكم الشاطرة ههه ننسى نحول باستعمال السلم اللي اخرتو أو اللي فرض علي في التمرين و بالتالي راح تكون النتيجة خاااطئة
و كاين وحدة صديقتي تحسب ميل المماس رووعة و صحيح بصح تنسى أنو في القانون كاين 1/v و طبعا القيمة هنا خااااطئة