يا اختي لعلمك كل شئء يمكتوب ربي ..لكن نصيحة لك وبحكم التجربة ...باش اجيبي الباك تاعك علمي واتروحي ديري ادب عربي فالجامعة والله غير معقول وخلينا مالمجاملات باش انقولك نورمال وكذا وكذا مكاش منها ..لانه هذا راجع لتقصيرمنك او من والدك في مرحلة ملئ بطاقة الرغبات والتوجيه ...اذا اتغلقت في وجهك وكان المعدل تاعك فالباك علمي ضعيف انظن كاين شعبة جذع مشترك علوم وتكنولوجيا يعني ترونكومان هذه نورمالمو اذا جبت الباك ب 10.00 تقدري اديريها بصح ما اديريش ادب عربي لانه صدقيني والله غير راكي اضيعي في وقتك مع هذه لابرونش لانحصار مجال التوظيف فيها في التعليم ووجود خريجين بمئات الالاف ...انا راني نحكيلك فالواقع المعاش والله هناك خريجين ادب اعرفهم شخصيا من سنة 2001 2002 بلا عمل لحد الان ..........الان انجو للحل الممكن لحالتك ..عاودي الباك ون شاء الله اجيبيه بمعدل امليح واديري برونش اخرى ترضي طموحك وطموح والدك ..وان كنت الومه لانه تركك في هذه الشعبة من الاول..........والي فيها الخير ربي اجيبها.