[ام ظافر]

يا اختي كل ولاية في الغرب تختالف حريرتها على الولاية الاخرى بل في نفس الولاية كل بيت يخدمها مختالفة وعموما الجنوب الغربي يكثر الحشاوش على الشمال الغربي
وعموما اصل الحريرة هو واحد الخضر مع الدشيشة وراس الحانوت والحشاوش
الخضر كاين الي يدير البطاطا وكاين الي مايحبهاش تثقل الحريرة بزاف اما الجزر والطماطم والبصل فمتافقين عليهم
الثوم كاين الي يطيب بيها مع الاول وكاين الي يرميها في الاخير مع الدبشة (القصبر) وبالنسبة ليا الاخيرة ابن واحسن
الدشيشة كل ما كانت رقيقة كلما كانت بنينة وراهي موجودة بكثرة في الشرق
راس الحانوت يختلف من بيت لاخر وانا نحب تاع مغنية خير وراس الحانوت تاع تونس خاطي خلاص راس الحانوت تاع الحريرة
الحشاوش كاين الي بنتهم تجي مستساغة وتتوافق مع بنة باقي الحشاوش وكاين الي تفسد كامل الحريرة وخاصة الي ما يعرفش النسب تاعهم بدل ما تعطي بنة للحريرة راح تعود مرة ومذاقها غريب
وعموما الغرب يستعمل الحشاو ش بكثرة في كل شيء على الشرق
بما انك راح تتعلميها ننصحك اعتامدي على الاصل وما تكثريش الحشاوش ومن بعد كل مرة زيدي نوع معين من الحشاوش اذا حبيتيه اعتامديه في حريرتك واذا ما حبيتيهش خلاص لاني نعرف الانسان الجديد في حاجة كي تكثري عليه الاذواق راح ينكرها
هذه بعض ملاحظاتي اختي لاني من الشرق وعندي الان 11سنة في الغرب وذقت حريرات بزاف وكل ما كانت الحريرة بسيطة كل ما كانت مليحة
كاين الي يستعمل القرفة والزنجبيل و الرند و الكرافس و الفليو والقندص والنوخة ولحية الشيخ والكليلة والحلبة ووووووو
وانتي واش حابة ديري فيها هذه اذواق