قالك وحد ضربو جن اي جابولو الامام بدي يرقيلو اي الامام بدا يهر مع الجن قالو علاش دخلت في هذا قالو الجن هو دار بينا حنا كنا معرسين زوج في خونا هو قاس علينا الماء سخون اي قلو الامام اخرج ميزيش اعاود اي خرج الجن ومبعد الامام قال داك السيد انت كفاه كانو معرسين او قست عليهم الما السخون في المجرية
اي تعرف واش دار ذاك السيد ولا كلما يفوت على مجرية اقيس 200 ويبدا ابرح هاذي في خاطر الجن لحمر وهذا في خاطر الجنية وجمعتها وهذا في خاطر الجن العريس او منساوش الجنية العروسة تاعو هههههههههههههههههههههه
2
خطر واحد سكران ضربو جن اي جابولو الامام اي الامام قال بسم الله اخرج الجن يجري انخلع الامام اي الامام سقسا الجن قالو مالك خرج تجري وانا ما زال ما كملش السورة اي قلو الجن واش بيك راك حسبني مريض هذه عقلية تقعد فيها
3
واحد جاب الباك او حب يشري طومبيل اي يعرف باباه مزير اي بخيل وكاين صاحبو عرفين ابوي كي داير ما يشريهالوش اي كي ولات الدخلة تاع الجامعة اسيد ولا اديور بي الطومبيل اي نخلعو صحابو قالول كيفاش باباك شرالك طومبيل قلهم اسكت راني كتبتها في ورقة تاع الادوات متحلبش ههههههههههههههههههههههه
4
قالك مرة ثلاثة جزايرين في اوروبا قاتلهم التشويمير( الزلط للركابي). حكمهم الجوع دار فيهم الشطلي يطلي (الفي )
تفاهمو على خطة وراحو لوحد المطعم وكل واحد حكم بلاصة وحدو وكلها و واش طلب غيرالاكل الله الله
وكي كمل الاول جا خارج حكمو الغارسون و قاله واش انت ما تخلصش قاله واش يا صاحبي نخلص زوج مرات
قاله الغارسون و علاه انت خلصت ديجا قاله ايه و اذا راك مكذبني سقسي هذاك الي راه قاعد لهيه على صاحبو الزاوج
راحو لعند هذاك الزاوج وسقساه الغارسون : بصح هذا خلصني قاله :ايه منين كنت انا نخلص فيك خلصك هو
هبل هذاك الغارسون (باين عليه دعوة الوالدين) وقاللهم واش تكذبو عليا قالوله سقسي هذاك على صاحبهم الثالث
و كي راحو لعند الثالث وسقساوه قاللهم وأنا واش دخلني اعطيني صرفي (الباقي)وخليني نعطيها
اتمنى ان تعجبكم واتمنى ان اكون في حسن ظنكم ومع السلامة وكلمة شكر فقط