السلام عليكم ورحمة الله وبركاته
-1-
واحد العجوز طلعت في كار، قاتلهم قعدوني قعدوها
قاتلهم وكلوني وكلوها
قاتلهم شربوني شربوها
ملا ناض واحد الشيخ وقالهم : هبطوني
قالولو علاه
قالهم: خايف لا تقول زوجوني وتلصقوها فيا
-2-
واحد العجوز طلعت في كار
وكانو في الكار شباب برك
ملا واحد قال لصاحبو: سممعت قرار الحكومة الجديد؟ الشباب كامل رايحين يزوجوهم بالعجايز
ملا عيط صاحبو وقال: هذي مكانش منها كامل ومتصراش
نطقت العجوز قاتلو: شد فمك خير لك، وقيلا القرار نتاع جدك ياوحد الحلوف
-3-
واحد العجوز كانت قاعدة تطلب
جافايت عليها واحد
مدلها 1 دينار وقالها: يالحاجة إدعيلنا دعوة الخير
شافت ليه ولدراهمو
قالتو: هذي متوصلكش حتى لدعوة الشر
-4-
واحد تلاقى مع مارد في الطريق
قالو: شبيك لبيك أطلب واش تحب
قالو السيد: ممكن أوتوروت منا لليابان؟
المارد: أطلب طلب معقول شويا
السيد: ممكن إمرأة جميلة مثقفة صالحة مطيعة ومتشرطش بزاف؟
المارد: الأوتوروت نديرلك فيها الضوء ولا لا؟