سلام اختي هنادي شوفي دقيق الحمص يتباع عند alimentation general كامل عندهم قوليلهم دقيق الحمص يعطيوك
نرجعو للمقادير :
كيش دقيق حمص ( ساشي تاع رطل )
كاس زيت
حبة بيض
ملح + الماء
شوية كمون
الطريقة : في الأول حطي دقيق الحمص في اناء + الملح+ كمون + حبة بيض + كاس زيت ( ماشي كبير بزاف كيما تاع القهوة حليب ) هادو كامل تخلطيهم مع بعضهم جيك كيما في الصورة الأولى أما الماء فتعبري بالسنيوة لي رايح طيبي فيها القرنطيطة انا سنيوتي مدورة عمرتها بالماء ورميتها على المقادير الأولى تا ع دقيق الحمص ثم نبدى نخلط بيدي مليح مليح حتى تولي ماكاش هادوك les grumeaux ولا الكعابر كيما نقولولهم ثم تعاود ندفق الخليط في نفس السنيوة لي عبر بيها الماء نحطها في الفرن مدة ساعة حرارته 200 تعرفيها بلي طابت كي يكونو الحواف تاعها حمورا وزيدي شعليلها من الفوق باش تحمار مليح واي سؤال راني هنا اختي