[(~ ..أســـامة .. ~ )]

المشاركة الأصلية كتبت بواسطة asma1856

السلام عليكم اخي من فضلك حبيت نستشيرك كي شفت بلي الله يبارك عندك معرفة مليحة في الاختصاصات و جزاك الله خيرا
انا تحصلت عل معدل 15.39 بعثوني نقرا طيران في بليدة و حبيت نبدل راني بين الهندسة المعمارية و بين رياضيات و اعلام الي نتاع باب الزوار من فضلك عاوني انا في عجلة من امري ولا حبيت قولي كاش اختصاص وحداخر اقترح علي من فضلك و ربي يجازيك

و عليكم السلام ....

ربي يبارك فيك

اولا بصحتك الباك بمعدل جيد و عقوبة للدكتوراه ان شاء الله

بالطبع كل واحد ميوله و امكانياته و لا انا او شخص اخر يختار في مكانك ......

نقولك رايي المتواضع ....

اتخدت القرار المناسب بالتحويل .... انا لا انصحك بالبقاء في اختصاص الطيران ........ رجع lMD و اصبح اسوء من السابق

كان واحد صديق معانا هنا في المنتدى خريج مهندس دولة في الطيران و قعد بلا عمل مدة طويلة حتى ربي فتح عليه و دخل الجيش الحمد الله

بالنسبة للهندسة المعمارية ............. انصحك بشدة ان لا تفكري فيهااااااا ابدا ...

نعطيك الاسباب ...... على غرار انحطاط قيمتها و مستواها

لازم تجيبي ماستر 2 باش تقدري تخدمي و طبعا خريجي الهندسة المعمارية البطالين راهم بالمئات اذا لم نقل بالالاف .......... و باش تفتحي مكتب دراسات لازم تخدمي 5 سنين عند الدولة ..... و نعرف والد صديقي راه ارشيتكت عند الدولة يخلص 3 ملايين ههههههه و زيييييييييد الهندسة المعمارية اصعب مهنة بالنسبة للمراة لازملك تخالطي الناس و تروحي للميدان ...... اخطيييك اختي تندمي .


رياضيات و اعلام الي تاع باب الزوااار ..... اختصاص رائع ... المستوى الدراسي راقي ..... الشهادة معترف بها في فرنسا .... و زيييد عندك فرصة لاكمال دراستك في فرنسااا .. للاتفاقيات الكثيرة بين جامعة هواري بومدين و الجامعات الفرنسية و الايطالية ..................... و الاختصاصات المتاحة لها مستقبل ....... اذا كنت من عشاق الرياضيات فانصحك بالتحويل لهذا الاختصاص ........


و بالنسبة لنصائحي ...... اجد جراحة الاسنان هي الافضل معدلك لا يسمح بذلك لكن ينقصك القليل فقط مع المعريفة تقدري تحولي لجراحة الاسنان .............. و معهد هندسة الالكترونيك و الكهرباء ببومرداس يدرسوا بالانجليزية و شهادة تساوي من ذهب خصوصا في الخليج و معظم الخرجين يعملون في امريكا او الخليج .... لكن الدراسة صعبة


طبعااا هذا كان رايي فقط .......... نصيحتي ليك اختي عن تجربة ... ماتسمعيش للناس مشي ليجي يدورلك راسك ..... و مترقديش قاع من تخمام و تقولي وكان غي درت ........ لاااااا انسي كلشي و صفي ذهنك صلي صلاة استخارة

و ان شاء الله ربي يوجهك لي فيها الخير ليك .......... انت متتقلقيش ليكتبها ربي ماكاش لينحيهالك ...........

و اذا في قلبك حاجة و معدلم مايسمحش نورمال اقري في الجامعة و عاودي الباااك و ان شاء الله تحقي حلمك

انا ضيعت عاااام في الاول غادتني بزاااف للكن بعد ما شفت النتائج حمدت ربي لبدلت الاختصاص نخسر عام خير من نندم قاع حياتي

ربي يوفقك اختااااااه و اخبريني بجديدك ...... و ماذا قررت و انا لا انساك بالدعاء