السلام عليكم و رحمة الله تعالى و بركاته...
أتمنى أن تكونوا بألف صحة و عافية...
أتيتكم اليوم بمجموعة من النكت 100% جزائرية
النكتة1:
سقسا واحد شخص غبي:ما هو الفرق بين الفيل و النملة...قاله:الفرق باين...الفيل رجليه يتنملوا...بصح النملة رجليها ما يتفيلوش...
النكتة2:
واحد الغبي ربح طومبولا:رحلة الى ايطاليا...سافر و من بعد اسبوع ولا...سالوه صحابوا:واش رايك في ايطاليا...قالهم:كلش فيها شباب بصح حرت في حاجة...قالولو:واش هي؟...قالهم:الدراري(الاطفال) تماك يهدرو خير منا الطالينية...
النكتة3:
واحد الغبي سمع بلي العلماء راهم يربحوا الدراهم من الاكتشافات نتاعهم...املا راح لواحد الملتقى علمي و دا معاه قط...قالولوا:واش هي الحاجة الجديدة اللي جبتهالنا...املا حط القط بعيد و قالوا بش بش بش...جا القط عندوا...و من بعد قطعلوا رجليه و قالوا بش بش بش...القط ما قدرش يجي... قالهم: ومنه نستنتج أن القط يسمع من رجليه...
النكتة4:
قالك واحد كل ما ينوض الصباح ينوض مخلوع...واحد النهار ناض عادي نورمال...أنخلع...
النكتة5:
سقسا المعلم التلاميذ نتاوعوا:واش تحبوا تولوا كي تكبروا...كل واحد كيفا قال:طبيب.مهندس.طيار...واحد من التلاميذ قاله:نروح للشمس...قاله المغلم: ما تقدرش تحرقك...قاله التلميذ: ما تخافش نروحلها في الليل...
۩Ξ۩۩Ξ۩۩Ξ۩۩Ξ۩۩Ξ۩
الى مواضيع أخرى ان شاء الله...أرجوا أن الموضوع أضحككم(فهذه غايته)...
اللهم بلغنا شهرك الكريم ولاتحرمنا من فضلك...
اللهم اغفر لنا ما تقدم من ذنبنا و ما تأخر...
اللهم افتح لنا أبواب جنتك في هذا الشهر الكريم...
ان شاء الله رمضان كريم للجميع...