[سمير الشاوي]

المشاركة الأصلية كتبت بواسطة رحمون المدريدي

وين راهي الدوريات لي عجباتك في الخليج كاش ما تحصلوا على لقب كبير او تشريف للعرب ياك غير الدراهم و ما يعرفو غير التنظيم الدورات .
و الحاج عيسى يتقلش بزاف جاه 1000 عرض من الجزائر مثل : إتحاد العاصمة و الملودية مأخرا علما أنهما أحسن من القادسية نتاعك ب1000 مرة هو راح على جال الدراهم فقط .
و كلمة : فيقو مع ارواخكم راكم في ذيل الأمم هذي بدون تعليق عليها و إن شاء الله نفيقوا في عام 3000 .

إيه هذا وين عرفت علاه راك دافع عليه راه وليد بلادك من باتنة
علاه ماهدرتش ملي كانو يكتبو على اللاعبين الآخرين
انا أقول لك أخر كلمة اللي يشجع يشجع بلادو مشي ولايتو و أبنائهتا.

أولا/
أنا مارانيش نتعارك معاك
كي كنت نقرا واش تكتب، كنت غير نستنا فيك تخرجلي من الشاشة
.................
أما قولك الدوريات الخليجية راهي عاجبتني، أنا ما قلتهاش، ولكن كي راك تحوس تفهم الدوري السعودي عاجبني بزاف... وكيما يقولوا التوانسة: برشة.
...................
أما على العروض اللي راك تقول بلي راهي 1000، أنا نقولك غير سميلي خمس عروض برك، ونسمحلك في 995.
....................
وإذا راك حاب يلعب الحاج عيسى يلعب في الجزائر: أنا نقولك: ما دبرش على الراجل وين يلعب
حبيتو يلعب في الأرضية المليحة تاع الملاعب، ولا مع الجمهور اللي يضربوا بالسيوفة، والقواطة، والبادن.
...................
أما قولك: أني ماهدرتش على اللاعبين الأخرين
فأنا نقولك:
راك تخلط، روح حوس في المشاركات تاعي تلقاني ديما نرخس في كرعين المعيز، حتى وكي كانوا في كراسي الاحتياط في بلادهم فافا العزيزة
...............
أما قولك: هل تحصلوا على لقب مليح
الجواب:
روح حوس عليهم، راك عايش اهنا بين اربع حيوط، وتبالك راك مطلع.
والحمد لله الانترنيت راهي سهلت عليك الوصول، والبحث عليهم.
..................
وأنا نسألك: واش من لاعبين كانوا في الدوري المليح تاعك.
جوار واحد يا عاجابا ما يستاهلش يلعب في المنتخب
نسيت بلي راهم شراولنا ليجوار من فرانسا، وقالونا راهم جزايريين.
..................

وفي الأخير:
نتمنى يحييني ربي لسنة 3000
باه نشوف أولاد بلادي تعلموا يهدروا
وتعلموا يلعبوا
وتعلموا يعشروا غير ارواحهم برك