[hassen2_9]

السلام عليكم صح عيدكم وربي يتقبل منا ومنكم ويغفرلنا ويغفرلكم ان شاء الله ، بلغ السيل الزبى خلاص من هاذا فاد العود اي ولاية الجلفة ما لقينا واش نسمو هذي الولاية وماكاش اسم مليح نقدرو نسموها بيها ، لولا بعض الناس الناس الاتقياء والناس الصالحين والله لقلت ان هذي البلاد مافيهاش واحد صالح، انا واحد من الناس مرفوض من الادماج حتى ولو يعطوهلي ضرك راني مسامح بيه لواحد من خاوتي، وصلت لدرجة خلاص اتخذت قرار نهائي راني سمحت في هذي البلاد الجلفة خصوصا والجزائر عموما، والكلاب نتاع الاكاديمية والمديريات كامل ماشي هذي التجربة الاولى معاهم ولكن عشت معاهم الامرين في قداه من كونكور وقداه من مشكل وكذلك الصابوطاج ، الولاية الاولى في الرشوة والفساد الاداري ، تكفي 20 بالمئة نتاع المقاولين و20 مليون رشوة على مراقب ولا عامل مهني غير مصنف والخافي اعظم والفضائح يعلمها العام والخاص، وكامل الخدامين في الادارات فاسدين وماكاش اللي يقول بللي كاين ولاد الفاميليا كامل عندنا خاوتنا وبني عمنا وفاميلتنا يخدمو الادارات ولكن الحق يقال ولو على اخي ، كامل فاسدين اللي ماينهاش على المنكر في خدمتو ما يقولش راني متربي ولا انا مليح لاننو هو والفاسد كيف كيف ، والله انهم مثل بنو اسرائيل الذين كانوا لا يتناهون عن منكر فعلوه، عقلية انا خاطيني، اما حكاية الدراهم ربي يستر راهم يبزنسوا بيهم وهذا شيئ معلوم لدى الخاص والعام
مجمل القول وجبت الهجرة من هاته البلاد والله لا يتربحهم لا في الدنيا لا في الاخرة، ومانيش مسامح لاي واحد اكل حقوقنا لا في الدنيا لا في الاخرة