أولا انا من اشد الناس اللي أامنوا بلي الثورة الحقيقية لازم تبدى منا احنا من الداخل انتاعنا يعني لازم نصلحوا اخطاءنا قبل نصلحوا تعاملنا مع بعض ومن بعد النظام رايح يتغير وحدوا وحدوا
ثانيـــــــا كاين بعض الردود استغربت منهم لدرجة كبيرة....قالك البطالة والحقرة في الدزاير مكانش ؟ مانيش عارف اذا رانا في الدزاير اللي تحكوا عليها ولا في باريس
انا نعرف بنات ساوموهم على الشرف انتاعهم باش يخرجولهم شهادة ميلاد ....وش من عدل عندنا اخطونا من النفاق يرحم والديكم رانا شبعنا...شوفوا المجتمع وش فيه من مصايب ومن بعد احكوا
الوطنية انتاع الصح مش انك تنافق وتقول بلادي احسن بلاد في الارض...الوطنية الحقة انك لما تشوف العوج وتقول عندنا مشكل.
بالنسبة لموضوع الشبااب العرب الي يستناو الثورة انتاع الدزاير....وش نقول ...كل بلاد والخصوصية انتاعها...ماناش حابين الدمار والخراب للبلاد...ياك رانا دزيريين في بعضانا واحنا في عقلية التخريب والتكسار ما شاء الله اما حكاية سلمية نحوها من البال ماكانش....بصح كيما ما نحبش الخراب ما نحبش الذل انتاع المسؤولين وحقرتهم لينا على الخير اللي في بلادنا رانا من احسن البلدان......زيد نقوللكم حاجة الكلام هذ انتاع والو والو ما نديروش ثورة ...راه مخلي المسؤولين راقدين في احلى نومة ..كلامكم طمنهم.....خلوووهم على الاقل يخافو شوية
صحيـــــــح اني نفضل رصاصة من اخي المسلم ولا تفاحة من الاجنبي اللي جاي يحتل البلاد لكن هذا الشيء اللي راهم متكلين عليه المسؤولين وهنا ختلونا
ربي يحرس البلاد من كل شر ومن كل حاسد ومن كل مسؤول ما يخافش فيها ربي