[نحب بلادي]

المشاركة الأصلية كتبت بواسطة الرجل الحر

[/size]

تنتقدون الثورات .... اعطونا حلولكم ... اعطونا إبداعتكم (بعيدا عن الشعر و النثر و الدعاء )

نظامنا فيه فساد
وشعبنا ماشي ساهل
تلقى الشاب عندو 30 سنة قريب تخلص حياتو
ومريح في في دارهم مع يماه ستسنى النظام يسكنو في حيدرة
وكي قلت لواحد الاخ الراجل يبيع النعناع ويستنى ربي يفرج عليه
قالي كيفاش مهندس دولة يبيع النعناع ؟؟؟ وضحك ؟؟؟

ونسى انو اللي يضحك كثر كي تلقى واحد في عمرو يخلصلو الانترنت
ويبقى وجهو يصفار حتى يخلص عليه باباه ولا خاوتو
ومن بعد يدخل للمنتديات يبكي على حقوقو ؟؟؟ اللي رايحة تهبط عليه من السمى

شوف خونا كل عرفين كاين فساد الله لا يرد الناس اللي راهم متورطين فيه
المشكل حنا عاد خارجين من عشرية سوداء
كون تتخلط الجزائر هادي تاليتها
عمرها ما تصفى مرة اخرى لانو طبعنا صعيب بزاف
كل هادو اللي شمو ريحة ... وقالك صرنا احرار تجي للصح يرجعوا لديارهم
حنا ما كانش اللي يرجع لور
وعلى هادي بزاف اللي حابين اصلاح بلا رجوع للدم

والسلام