[✗ ┋ وَړْﮃَةُ آلـﭴَزآئـړْ ┋ ✗]

المشاركة الأصلية كتبت بواسطة sirina_angel

.صح فطوركم ....نتمنى راكم في احسن حال
اخواتي عندي استفسار كنت رايحة نسالك في ***** لكن هنا حتى يستفاد الجميع .
انا لبارح سجلت في الدروس الخصوصية رياضيات و فزياء و الاحد و را العيد نبداو المهم انا لقيت كاين مجموعة تدرس في الليل من 5/30 الى 7/30 من الاحد الى الاربعاء لكن عطلة الاسبوع فراااااغ
و مجموعة اخرى ما يقراوش في ايام الاسبوع و لكن عطلة الاسبوعية كووومبلي مشارجية بزاف
انا حبيت نقرا في الليل و سجلت في الليل باه في عطلة الاسبوع يبقالي وقت نريح و نراجع فيه و لكن خافية تاني نتعب من كل يوم نقرا من 8 صباح حتى 8 تاع الليل
انتوما بواش تنصحوني
راني نستنا في ارائكم
و شكرا

والله مشكل حقيقي أختي أنت اخترت الدروس الخصوصية وين يكونوا بزاف الساعات في الأسبوع
علاه تكثري على روحك هكذا؟؟
صراحة الخياران في زوج يتعبو
تقراي من 8 صباحا إلى 8 مساء بزاف تتعبي
حنل نروحو للدار على الرابعة والنصف ونغلبوا
وباش تقراي عطلة الأسبوع كامل مادة علمية ثاني بزاف انا كنت في الأسبوع الواجد نقرا ساعتين رياضيات ساعتين علوم وساعتين فيزياء


إذا تشوفي انو قادرة تتعبي وإذا راكي من النوع اللي يسهر وما يحفظش الصباح وإذا تشوفي أنو و الدروس الخصوصية يغنيوك على التمارين يعني ماكالاه تحلي بزاف التمارين في الدار اقراي في الليل الدروس الخصوصية والويكاند خليه لمواد الحفظ

أو إذا راكي من الناس اللي يحفظو الصباح كيما انا نوضي الصباح بكري احفظي واقراي عادي وكي تروحي حلي تمارين والويكاند خليه للدروس الخصوصية
هذا رأيي الشخصي شوفي واش يخرج عليك يعني على حسب كيفاه تقراي