اقتباس:
المشاركة الأصلية كتبت بواسطة نسمة النجاح
السلام عليك
هاذي الحريرة تاع مستغانم
تحتاجي:
قطع من اللحم (الحريرة في العادة ماتحتاجش بزاف لحم مثل الشربة فريك لأنو فيها التوابل بزاف والخضر لكن كل ما تكثري اللحم تجي بنينة اكثر)
حبة بصل كبيرة
زوج حبات جزر
حبة متوسطة بطاطا
حفنة حمص
3 سنات ثوم
2 ملاعق كبار طماطم مصبرة
ملح
راس الحانوت (نديرو بزاف يعني مغرف صغيرة معمرة بزاف)
كروية (نصف كمية راس الحانوت)
كمون (شوية برك يجي قاطع)
فلفل اسود
قرفة (شوية برك)
وكاين قابيلة باش تديري بعض الحشواوش تجي بنينة بيهم (النوخة الزعتر والفليو) لكن تقدري تستغناي عليهم
وماننساش التشيشة فنجان صغير .... وهي ماهيش الفريك .... انما هي كيما المرمز بصح مطحونة صغيرة عليه ومخلط معاها شوية دقيق ...... راهي تتباع ... واذا ما صبتيهاش تتباع زيدي اطحني شوية المرمز تاعك
قصبر (حشيش شربة)
التحضير:
(قطعي كلش كبير لأنك راح تطحنيها ممبعد)
قلي البصل المقطع واللحم في الزيت عندما يذبل البصل اضيفي الثوم المقطع والخضار والطماطم المصبرة والتوابل وزيدي شوية ماء فقط .... خليهم يعقدو فيما بيناتهم ياخذو البنة مدة 15 دقيقة ممبعد عمري القدر بالماء (عينك ميزانك ماعنديش كيال مضبوط)
وخليهم ساعة يطيبو
ممبعد اضيفي التشيشة والقصبر (حشيش شربة) وخليهم يكملو الطياب لمدة ساعة ..مع التحريك المستمر حتى لا تلتصق التشيشة... وقبل ما تطفي بالشوية زيدي الحشاوش اللي ذكرتهم سابقا ملعقة صغيرة من مزيجها لأن بنتها قاطعة بزاف
|
ربي يخليك ليا شكرا جزيلا على تعبك معايا و يعطيك الصحة
