[مريم قسنطينة]

المشاركة الأصلية كتبت بواسطة hamza025

في وقتنا هدا صعيب تلقى هاد النوع من الاصدقاء الوفاء اصبح عملة نادرة.و على هامش الموضوع راح نحكي حادثة صارتلي عمري ما راح ننساها.وحد المرة تسوقت وجيت مروح في طريقي شفت وحد الحاجة كبيرة في السن و حاملة زربية فوق كتافها كي شفتها غاضتني و قلت نروح نعاونها نربح دعاوي الخير.تقربت منها قلتلها يا لميمة خليني نعاونك راهي تقيلا عليك...............................قالتلي روح اخطيني انت حاب تسرقني بعد عليا..................وليت نقول واش داني نحصل روحي.اذن او ما بقى حتى واحد يدير الخير لوجه الله و شكرا

شكرا على المرور العطر ، لكن الخير مازال كاين ، و ابسط مثال شوف هنا في المنتدى ياما ناس ساعدو ناس و نصحوهم بالرغم عدم معرفتهم بيهم و أنا شخصيا عاونوني أعضاء بزاف بمعلومات عمري ما عرفتها ، و كاش ما كاين خير أكثر من العلم