لحقنا للصح
يا سي عمار
تشفى نهار قلتلك ما تخيّرش لروحك
خلي الوالدة هي اللي تخيّرلك المرا اللي تبني الدار و تحمّر الوجه
انت قلت نجيب وحدة اللي تعجبني
وي c vrai عجباتك الكاركاس
بالصح الطياب ما عجبكش
هههههههه
و انتي يا زينب راكي عارفة باللي الطياب تاعك زيرو (0000)
علاه تروحي تتزوجي قبل ما تتعلمي؟؟؟؟؟
و لا حاسبين الزواج تصديرة و تصاوير؟؟؟؟
المهم الحمد لله مازالت العجوز حيّة و تطيّب
و المشكل ماشي في اهل الدار
المشكل كون يجو ضياف و تديرلهم ماكلة سامطة و مالحة
و ما فيهاش البنة تاع رمضان
تبهديلة لعمار مسكين
نصيحة يا زينب
كثري من التوابل و اللحم
و خلي الماكلة تطيب على نار متوسطة
ما تغصبيهاش
و ذوقي ماشي حرام كي تذوقي المهم ما تبلعيهاش
و حاولي تتعلمي من عجوزك و حماتك
و انت يا سي عمار روح اشريلها كتوبات تاع الطبخ و الحلويات
صح فطوركم