السلام عليكم و رحمة الله و بركاته
لكل محبي الغراتان رح نشارككم بعض الوصفات و نتمنى تعجبكم
أول وصفة هي الجلبانة بصلصة البيشاميل:
نفور (جلبانة +بطاطا مقطعة رقيق+ فلفل مقطع رقيق+ جزر مقطع أيضا) و يمكن إضافة أي نوع من الخضر.
من جهة أخرى نقلي بصلة مقطعة و متبلة بملح و فلفل أسود و نضيف قطع صدر دجاج (الكمية المتوفرة لديك)
بعد ما تطيب الخضر نضيفوها على المقلاة و نقلبوها شوية باش تاخذ نكهة ، نرفعوها عن النار و نزيدو معدنوس و دبشة حسب الرغبة
ثم نضيف للخليط صلصة بيشاميل متوسطة الكثافة (2 ملاعق زبدة+ 4 فرينة ثم تضيفي حليب حسب الحاجة + قليل من الجبن و ثوم في الأخير)
ندخلوها فرن ساخن حتى تحمر و بالصحة و العافية
نتمنى تجربوها و تعطيوني رايكم