منتديات الجلفة لكل الجزائريين و العرب - عرض مشاركة واحدة - دعوة للتسامح ~ بمناسبة رمضان ~ قلوب بيضاء ~
عرض مشاركة واحدة
قديم 2011-08-01, 14:50   رقم المشاركة : 1
معلومات العضو
الشعلـ إيمان ـة
مشرف سابق
 
الصورة الرمزية الشعلـ إيمان ـة
 

 

 
إحصائية العضو










B10 دعوة للتسامح ~ بمناسبة رمضان ~ قلوب بيضاء ~

بسم الله والصلاة والسلام على رسول الله وكيما قالو عباد الله ، اللي ما بدى ببسم الله ما فيه خير من الله ..
عام ورى عام وضيفنا ما ينسانا حتى عام .. وبشوفة هلال رمضان وجوه الناس تهللت بالبشر والاطمئنان .. والقلوب نورت بالتسامح والرضوان ..
رب العباد فتح ابواب الجنان ، للمصلين والخاشعين وحاملي القرآن .. ووعد خير من صام بالرحمة والعتق والغفران ..
فيا عباد الله ويا خيرة الناس والخلان .. لا تنساو العبرة من رمضان ، وخليوها فرصة للنقاء والتسامح وعبادة رب الأكوان ..
متنساوش لا صلاة ولا قيام .. ولا ذكر ولا قرآن .. في كل خير منهم أجر اللي فوتو هو الخسران ..
وكيما نستغلو رمضان في العبادة والصيام ، خليونا نستغلوه أيضا في نشر الخير والإصلاح والمودة بين العباد والإخوان ..
وفي هذي الصفحة ندعوكم باسم كل من حب الخير وحب المودة والتسامح إلى مد أيدينا لبعض للمسامحة والصفح والغفران ..
واللي عندو حاجة في قلبو من خوه ينساها وربي يعوضو بخير منها رحمة وعتق وغفران ..
واللي ملاه الغيض .. يا إنسان ربي عالم بيك ، خلي غيضك للرحمن هو يبدلو فرحة وأمان ..
خليونا نتسامحو ونتصافحو وخليوها قلوب بيضاء لا فيها كاره ولا حاقد ولا زعفان ..
خليو تسامحنا عنوان للمنتدى في شهر رمضان .. ونبقاو كيما كنا من قبل من عهد الثورة والمجاهدين الكرام إلى الىن إخوان ونبقاو ديما إخوان ..
ويلا يا شاطر اكتبلنا اللي جاد بيه قلبك وقول يا ناس راني مسامح كل اخواني ويدي ممدودة لكل مسامح وربي ينسينا ما فات من الأيام








 


رد مع اقتباس