ختي انا من قسنطينة ان نصفي المرقة نكيلها ونحط نصها سكر وكي تغلي وتعقد نضيف حبات الشباح تغلي غير شوية باه تشرب المرقة وتجي معسلة ونطفي عليها كي تكون شباح مخدومة مليح متتحلش كي تغلي المرقة ولكان خفتي خلي المرقة تغلي حتي تعقد ووطفي عليها ورمي الشباح وخليها تشرب ومن بعد قدميها وحطيلها اللوز من فوق اما بالنسبة لطاجين الشواء انتي والشى لي عندك تقدري الديريه بالجاج وحدو ولا الديريه باللحم ولا في زوج انا شخصيا ندير اللحم والجاج نطيبهم مرقة بيضة بالبصل والملح والفلفل لكحل وشوية زيت وشوية زبدة ونقليهم مليح ونمرق كي يطيب الجاج نحيه ونخلي اللحم يكمل طيابوا ومن بعد نصفي المرقة ونحمر الجاج واللحم ونحطوا في الصحن اثناء التقديم ونمرق بالمرقة البيضة لي كنت ضفتلها عصير القارس ونزين الطبق بالمعدنوس وشرائح من القارس طبعا ولكان ما فهمتيش راني هنا نعاودلك