أنا نظن أن الواحد كي يتكلم مع بعض الجزايرين لازملوا رفعة تاع شمة صحيحة باه يقدر يحكم في الأعصاب تاعو
كثير منا قاعدين غير يعاودوا في الكلام اللي سمعوه
لوكان يخرجلهم واحد صحيح ويقوللهم الدوري القطري مليح يروحوا الكل معاه
ياخي حالة ياخي
مجيد بوقرة راه كان مدفون في الدوري الاسكتلندي اللي يتذيل ترتيب الدوريات في الفيفا
ما بكيتوش عليه
وكي تسمعوا العرب قيَّموا كرعين المعيز، وشبعوهم في كروشهم تولوا تندبوا
الخليج راهوا غالط كي قيم الهوايش
اللي يسمع الحنيك.... واحنا نلعبوا في الدوريات الأوربية يروح بالو مباشرة للدوري الانجليزي، والدوري الاسباني
واللي يحط بالو يلقاهم في الدوري اليوناني، والاسكتلاندي، والدرجة الثالثة، والرابعة، وسخن كرسي الاحتياط...
ياخي زواخين ياخي
هاكا ومن بعد تقولوا: أحنا الجزايرين ما يحبوناش العرب !