اقتباس:
المشاركة الأصلية كتبت بواسطة alilo39
انا خطبت عندي شهر مشكلتي معا خطيبتي السكوت كثير في النقال
|
مرحبا بيك أخي عليلو
السكوت أمر طبيعي في هاذي الفترة
اولا لانكم مازلتو غراب شوية على بعضاكم
يعني هي مازالت ماتعرفش انت كيفاش تخمم
واش هي المواضيع اللي تلقى فيها روحك
تخاف بالاك تهدر في كلش وانت ما يعجبكش الحال
وحتى كي توالفو بعضاكم راح يبقى هذا الصمت بين فترة واخرى
الصمت هذا كاين حتى بيناتنا احنا في الدار
مع يمانا مع بابانا مع صحابنا ..
يعني احيانا نتكلمو في موضوع معين وكي نكملو نتناقشو فيه مانعرفوش واش نزيدو نقولو
نصيحتي اخي علي
افتح انت معاها مواضيع
قوللها مثلا واش رايك في المرأة اللي تخرج من دار راجلها بلا اذنو ؟
كي تقرى كاش مشكل في النت بين راجل ومرتو
مثلا مراة تشكي من راجلها بلي يصرف على خاوتو ويماه وهوما خدامين
قوللها انتي واش رايك ..
هكذا تعرف عقليتها كثر
وتعرف كيفاش تخمم
وتخليها تتكلم وتناقش براحتها ...
اذا كنت شفت كاش موقف مليح صرى برا احكيلها عليه
كاش فايدة تبادلوها بيناتكم
مع الوقت تولي هي اللي تجبد المواضيع
وانت اللي تقوللها اسكتي :d
ربي يكمل بيناتكم على خير