[*شهد العسل*]

المشاركة الأصلية كتبت بواسطة manel.1706

أختي السلام عليكم ومشكورة على الصور

ولكن ما الفائدة من الصور دون وصفات

وعليكم السلام و رحمة الله و بركاته العفو اختي لاشكر على واجب
رايحة نحط الوصفات مع انها معروفة لدى الجميع بسيطة وكلاسيكية

المشاركة الأصلية كتبت بواسطة نبيلة المهبولة

انا عجبتني البقلاوة واريد انت تعطيني طريقة تحظيرها

صح انا نعطيك طريقة تحضير البقلاوة ومتاكدة تنجحلك وما تفرطيش في الغوسات تاعها
4كيلات فرينة سيم
قرصة ملح رطب بزاف
كيلة سمن ذايب و بارد
حبة بيض
كيلة ماء الزهر
لميها و اقسميها الى 14 كويرة كوريهم في المايزينة و حطيهم في ساشي و اتركيها ترتاح
بالنسبة للسمن الي تدهني بيه بين الطبقات انا نظيفلو شوية خمارة الحلوى باش تجي البقلاوة مورقة
بالنسبة للحشو 3 كيلات لوز كيلة سكر عادي فاني و تشي بماء الزهر و كانك تفتلي في الطعام تجي متبعثرة ما تلميهاش و اذا استعملتي الكاوكاو نقصي من كمية السكر قيس 2سم من العبر
طبعا تحليها رقيقة بزاف تدهني بلا بالسمن و تحطي 7طبقات بيناتهم السمن الممزوج بشوية خمارة ثم الحشو متناثر رشي بشوة ماءالزهر ثم الطبقات السبعة المتبقية وبيناتهم دائما ادهني بالسمن الذائب
اصنعي وريدات من العجينة بمول خاص على شكل وردة حطيها في كل حبة طبعا بعد ما قطعتي البقلاوة على شكل مقروطات و ارشقي حبة لوز في الوسط
طيبيها
عسليها"2كيلات عسل المرجان +1كيلة مش مملؤة ماء الزهر
ديريها في الكيسات
اجو ان اكون وضحتلك مليح الطريقة