للاسف الاحوال في مصر بقت اسوء
في اعتصامات وفي تصعيد في الاسكندريه والسويس
واضراب عن الطعام وتم نقل كذا شخص للمستشفى في حاله خطيرة
وفي السويس الجيش فض الاعتصام بالقوة
انا مش مع الاعتصام او تعطيل السير بس دى تعتبر وسيله من وسائل الضغط
والصراحه المجلس العسكرى بيعاملنا معامله عسكرى وده مينفعش
يعنى محاكمات عسكرية على مدنيين دى صعبه وظلم
وكمان المجلس بطئ ونتمنى والله بجد المشير طنطاوى يتكلم بقى عشان زهقنا احنا عماللين نحرق في دمنا وهو قاعد يعين وزير للاعلام وسايبنا نولع
ياريت يتصرف بسرعه قبل الجمعه الجايه عشان اكيد هيكون في هتاف ضد المجلس العسكرى ومش عايزيين نوصل للمرحله دى هو فعلا في البعض الجمعه الا فاتت هتف ضد المشير
والله احنا مش باقى لنا غير المجلس العسكرى
بس في ملاحظه مهمة المجلس العسكرى يفرق عن الجيش
الجيش نفسه احنا بنموت فيه وبنحبه جدا
اما المجلس العسكرى لنا عليه تعليقات
المهم في تصعيد وفي ممكن عصيان مدنى للضغط اكتر على الحكومه
بس يارب ينفع بقى عايزيين محاكمات سريعه للقتله واولهم مبارك والعادلى
ادعو لنا بالله عليكم احنا في مرحله مصيريه
دى بقى الا هتحدد فعلا احنا عرفنا نسقط حسنى بس لم نسقط النظام
النظام مازال يحكم ويتحكم في مصر
وواضح ان في ثورة جديدة هتطلع في مصر
ربنا يستر