مرحبا جميعا
أنا تاني من قافلة الملتحقين بالسنة الثانية ثانوي
ونجحت علوم تجريبية بمعدال الإنتقال كان 16.59
رغم أني كنت باغية أكثر الحمد لله على كل حال
بالنسبة للموضوع أنا قرته كلو
وجدت في ناس كانو يهدروا على الدروس الخصوصية
أنا عملت العام لي فات دروس خصوصية في الرياضيات و الفيزياء و نفعوني بزاف و ذلك بحكم أن ثانويتي جديدة و راه عاد كي دشنها الوزير بن بوزيد هادي السنة في هذا الصيف بالتحديد بوهران
و أنا ناوية نكمل إن شاء الله مع نفس الأستاد لي درت عندوا الدروس الخصوصية
و بالنسبة للكتب أنا معنديش كتب 2 ثانوي مزال مشريت
لكن كنت عاملة مخطط أني نشري هاد الصيف لي انال شريت مرة وحدة برك
شريت ملخصات رائعة للتاريخ و الجغرافيا و اللغة العربية فيها غي القواعد و الإنجليزية و بالنسبة للأنال شريت العلوم الطبيعية و الرياضيات و الإنجليزية برك وراني حابة نشري لكامل المواد إن شاء الله ولكن راح يكونو في بداية العام الدراسي
و أيضا راح نشري أسطوانة تنباع فيها كل الدروس و التمارين لل 2 ثانوي
أنا شريت 1 ثانوي و نفعتني
يا أصدقاء يبدو أني طولت شوي
على كل حال أنا أريد الإنضممام إليكم باش نراجعو مع بعض و نعاونو بعضنا بعض و اي مساعدة نتعاونو قاع فيها
يلا هل أتلقى إستقبال من عندكم ؟